Page 9 - elmar

MFA ta e sinergia entre servicio administrativo, recreativo y
social

Monday, 20 April 2015 20:22
Comparti

Cu hopi satisfaccion dialuna mainta Prome Minister Mike Eman a recore e paden di edificio di MFA
Noord y asina wak un di e visionnan personal y di su Gabinete, comberti den realidad.
Tabata un caminda largo caminda cu hopi atencion y participacion di e propio pueblo, a yega na e
resultado aki. E mandatario a relata e pasonan cu a tuma for di momento cu a tuma nota di e necesidad,
te na e desaroyo di e plan y su ehecucion.
“E edificio ta bay crea un sinergia entre servicio administrativo, recreativo y social y educativo. MFA ta
trece hunto Gobierno y sector priva, ofreciendo gruponan activo como NGO pa uza espacio den un solo
edificio,” tabata e palabranan di e Premier Eman.
E mandatario a gradici e diferente persona y grupo cu traha hunto pa logra e edificio. Entre otro, tabatin
trabounan grandi financiero di parti di Stihting Onroerend Goed Aruba (SOGA), di parti di arkitecto pa
duna vision di Gobierno un forma ademas di e exigencianan practico como tambe e identidad di
comunidad.
E relacion estrecho cu comunidad tambe ta refleha den esnan cu ta carga e responsabilidad pa maneha e
edificio. Den e caso di Noord, ta Richard Tromp y Chris Figaroa, hendenan di e bario cu rais y
compromiso cu e bario. Prome Minister Eman a desea nan pabien y hopi exito cu e trabou nan dilanti.
Nan ta hayando un joya di edificio cu ta pertenece na pueblo di Noord y nan mester cuida hopi bon.
Otronan cu tambe a ricibi e gratitud di Prome Minister tabata directiva y personal di contratista Bohama
y personal di departamentonan di Ministerio di Infrastructura lidera pa Minister Benny Sevinger. Pero e
trabou no a caba ainda, awo Gobierno ta bay firma acuerdo cu Elmar pa instalacion di panelnan solar
riba e dak di e edificio.
“Esaki ta bay ta e prome edificio totalmente sostenibel na Aruba. E produccion di energia solar ta bay
surpasa e cantidad di energia cu e edificio tin mester,” asina Premier Eman a comenta. E combinacion di
instalacion grandi di panel solar y su diseño cu ta refresca e paden di manera natural, ta algo grandi pa
Aruba den e otro meta pa haci nos pais totalmente sostenibel pa 2020.
Por ultimo, Minister President a felicita pueblo di Noord. Despues di instalacion di panelnan solar y cu
tur espacio paden ta debidamente ekipa cu mueblo y otro aparatonan, ta bay realisa un apertura
ccaminda un y tur por bin y conoce personalmente tur e espacio y servicionan cu e MFA di Noord tin pa
ofrece.