Page 38 - BDA05Maart2016

B10

relahaDiasabra 5 Maart 2016

Porkchop den saus di anasa

Ingrediente:
4 pida porkchop
1 ons di speki na pida
1 bleki di pineapple crushed
1 bleki di pineapple chunks
1 siboyo
1 promenton
2 wortel
1 lamunchi
1 paki di rasenchi chikito
3 djente di conoflok
1 cuchara di come cun’e di siboyo na puiro
1 cuchara di come cun’e di ketjap zoet
1 telep di binager destila
Algun clabo dushi
Algun blachi di oregano
Preparacion:
Primeramente nos ta laba e porkchop bon cu su salo y
lamunchi y ora ta cla ta pone e conoflok, siboyo na puiro,
oregano, e clabonan y e juice di e pineapple chunks riba
e porkchopnan. Ta bruha esakinan bon den otro y ta laga
e tempera aki para pa mas o menos mei ora. Despues
ta saca e porkchopnan y hasa nan den masha nada di
manteca y ta corta e spekinan na pida pida y pone acerca.
Na momento cu e porkchop y e speki a cushina bon, ta
corta e wortelnan sea na largo of rondo y ta pone nan
tambe hunto cu e juice di e pineapple chunks den e wea.
Ora cu e wortelnan bira poco moli ta agrega e siboyo,
promenton, rasenchi y e pineapple crushed y laga nan
tambe cushina hunto cu e porkchop un rato. Awor cu tur
cos ta bon cushina ta agrega e telep di binager destila, y
si ta desea e saus un tiki mas diki ta agrega un tiki tomati
pasta. Por sirbi e plato aki cu su aros bruin of blanco y
algun berdura.