Page 26 - MIN.TTC APRIL 24

PAGINA 50 DIARIO DIABIERNA 24 APRIL 2015

Ola di palabra:

Evento na Hulanda di un
combinacion di Arte y Literatura

ORANJETSAD (AAN): Dia 10 di mei proximo lo tuma lugar na
Amsterdam e evento Waves of Words cu BookIsh Plaza ta organi-
zando. Esaki lo bira un concepto nobo pa un atardi cultural cu ta un
combinacion di diferente tereno den Arte y literatura. Lo tin decla-
macion di poesia, baile folklorico y moderno, musica, clips di Data-
panik, teatro, documentario, sketch, entrevista y un charla cortico.
E atardi aki lo tin e presentacion oficial na Hulanda di e buki ‘Aruba
in literair perspectief’ di sr. Henry Habibe, kende lo haci entrega di
e prome ehemplar na e Ministro Plenipotenciario di Aruba. Durante
e evento aki lo pasa dos documentario-cortico di Rebecca Roos.
E prome lo ta e documentario ‘Papiamento: dialecto of idioma’ y
despues di e pausa lo pasa e documentario over di e departamento
‘Arubiana-Caribiana’ di Biblioteca Nacional di Aruba.

Lo tin un entrevista cu e autor Irma Bogaers-Grovell y Curt Fortin,
conocido actor na tv hulandes. E grupo HALA (Hobennan Aportan-
do na Literatura y Arte) tambe lo duna nan aporte na e programa.
Natusha Croes, Indzy Hernandes y Malu Boerwinkel lo declama
algun poesia den un forma teatral. Grupo di baile TND lo duna un
presentacion di baile. Y mas cu claro cu Reynaldo Maduro lo canta
algun di e canticanan cu lo pone un y tur sinti nan mes na cas atrobe.
Bin celebra Dia di Mama den un ambiente cultural.

E evento aki lo tuma lugar dia 10 mei 2015 for di 14.00 – 17.30
pm, den Theater van ’t woord di Bibliotheca di Amsterdam, cu ta
situa cerca di Central stacion di Amsterdam.