Page 18 - AWEM 270215

18 AWEMainta Diabierna, 27 Februari 2015

Interes pa
Beach Tennis
ta sigui crece

DEN fin di siman cu a pasa, Aruba Beach Tennis a organisa su

Money Tournament Mensual cu normalmente ta wordo teni e di
2 weekend di e luna. Mirando cu tabata weekend di Carnaval a
opta pa schuif esaki p’e siguiente siman.

Luna di februari e torneo aki tabatin como patrocinador e
restaurant famoso Casa Tua, cu porcierto ta aporta desde
comienzo cu e deporte aki na Aruba.
Weganan a cuminsa diasabra atardi pa 5or y a terminda despues
di 12or di madruga. Atrobe a conta cu un cantidad basta halto
di participante, mirando cu tabata e weekend despues di un
temporada cu tur hende tabata hopi activo cu tabata Carnaval.

Despues di a bataya den e prome rond, caminda tur ekipo mester
a hunga por lo menos 3 wega, a bay over na semi-final pa despues
e ganadornan bataya pa wak ken ta sali victorioso durante e
evento aki.

E resultadonan ta como lo siguiente: Intermediate Women
Doubles - Karina van Damme & Lydia Fitfield; Intermediate
Men Doubles - Luis Tromp & Omar Muyale; Advanced Women
Doubles - Yvette Tromp & Denise Krosendijk-Pechacek; Advanced
Men Doubles - Thijs Landkroon, Rad Groh& Ronal Fajardo; Open
Women Doubles – Melissa Acosta & Betza Rasmijn; Open Men
Doubles - Bertrand Coulet & Jarryd Ruiz.

Durante henter siman y den fin di siman tin torneo na Tropicana
Beach Tennis Club. Nos ta invita tur hende pasa sera conoci cu e
deporte cu mas ta creciendo rond di mundo. Pa mas informacion
bo por bishita nos website na www.beachtennisaruba.com