Page 31 - AAA 14 SEPT 2015

Reconocimento internacional pa Aruba Happy Flow

Publication: Monday, 14 September 2015. Categoria: General

ORANJESTAD(AAN):E proyecto revolucionario Aruba Happy Flow, cu a bay “live” na mei
2015, a wordo reconoci cu e premio “Best Immigration & Arrivals Inititiave”, o sea E Miho
Iniciativa di Inmigracion y Yegada.
Happy Flow – un proyecto di colaboracion entre e gobiernonan di Aruba y Hulanda, Schiphol
Group, KLM, Aruba Airport Authority y e “lead contractor” Vision-Box – ta uza tecnologia di
reconocimento facial como e base pa un “single passenger token”, y ta elimina e necesidad pa
pasaheronan presenta nan paspoort y “boarding pass” na diferente fase di nan trayectoria.
E proceso ta wordo uza actualmente pa vuelonan di KLM entre Aruba y Amsterdam. Ora un
pasahero check in na e kiosco “self-service nan potret ta wordo saca y ta wordo verifica contra y
gelink na nan paspoort electronico. Na mes momento e controlnan di precedente pa frontera ta
tuma luga.
Ora cu e control di inmigracion automatico keda cla, tur e gruponan di interes (stakeholders) den
e aeropuerto ta ricibi e informacion. Por ehempel, inmigracion ta ricibi e informacion ora cu e
pasahero ta “check in”, asina nan ta na altura cu a pasahero lo ta pasando pa e “checkpoint” di
inmigracion.
E meta di termino largo di Happy Flow ta pa crea un programa di preclearance mas amplio pa
Europa, cual lo habri caminda pa un transformacion di con pasaheronan ta wordo procesa den
aeropuertonan rond mundo.

http://www.diario.aw/2015/09/reconocimento-internacional-pa-aruba-happy-flow/