Page 2 - SOLO FEB 19

Pagina 2 Diahuebs Februari 19 2015

12 mil na Interprint y 36 mil pa parti kaarchi: Mas malgastamento

50 mil florin na kaarchi
di Pasco pa AVP

Manera cu SOLO a publica ayera, ariba e gastonan di
printing di kaarchi di Pasco di Partido AVP den Gobierno
y su lider Mike Eman, awe nos ta publica otro documento
unda ta mustra cu a costa pueblo di Aruba 36 mil florin pa
distribui e kaarchi di Pasco aki pa yega na tur cas na Aruba.

Nos ta papiando aki di un total di 50 mil florin cu Mike Eman
den December 2014 a dicidi como lider di AVP cu e ta bay
usa fondo di pueblo pa asina manda kaarchi di Pasco.

Ken ta print e kaarchi? Nada mas cu mes doñonan di Canal
90 Fm, e radio aliado di Mike Eman.

Algun luna prome Mike Eman a manda masha hopi
empleado cas, pasobra cu mester corta den begroting.

Varios fundacion a sufri bao di Mike Eman su mal maneho y
su mal gastamento di placa. Aparentemente ningun hende
den Gobierno tin cunes pa loke ta trata placa di pueblo.
Dicon mester a gasta 50 mil florin na kaarchi di pasco? No
por a paga esaki na otro cosnan cu ta mas importante?

E fundacion FMAA tabata yora cu no tin placa pa paga nan
gastonan na cas di adicto. Hopi auto cu tabata wordo usa
a wordo busca bek door di agencia di auto. Gobierno ta
sangrando, pero pa Mike Eman, lider di AVP si tin placa
pa manda kaarchi di Pasco. Adhunto nos ta publica e otro
acurdo firma pa asina laga e kaarchinan wordo distribui

MADURO HEAVY

EQUIPMENT N.V.

Santo pa Basha, Santo pa Pleister,
Crushed Sand, Piedra, Tera pa

Mata, Graniet. Tambe nos ta Rosa

Tereno, Coba Pos y Fundeshi.

ROOI BOSAL 49
TEL.: 585-1708
FAX.:585-6299