Page 24 - AHATA
P. 24
ANATO ta para pa Asociacion Colombiana de Agencias de Viajes y Turismo. E ta e
oportunidad pa Colombia expone su mes na otro paisnan y na mes momento pa otro
paisnan ofrece e publico Colombiano pa bishita nan destinacion. Tin 32 departamento
presente, mas di 30 pais, 1000 booth y ta conta cu 20.000 bishitante den e tres dianan di e
evento. Awe ta prome dia, ta continua diahuebs y ta caba diabierna.
E ekipo dinamico di ATA Colombia, trahando
incansablemente pa atrae mas turista for di Colombia pa Aruba.
Oficina di Turismo di Aruba na Colombia ta coordina e evento aki, pa tur e añanan. Ta
bon pa bisa cu ATA Colombia ta celebra 35 aña di existencia e aña aki. Cu e cambionan
den Latino America y e desaroyo economico den e pais, e ta priminti di sigui crece como
un mercado pa Aruba den e añanan nos dilanti.
