Page 41 - Djaluna 23 aprel 2018.pdf

Djaluna 23 Aprel 2018 41

Kontinuashon di pagina 14
MCB ku atenshon

luna di yüni lo introdusí
algun servisio nobo, e lo
bai ta hopi inovativo i lo
tin akohida grandi pa su
klientela.
E tim dje departamento
aki den MCB ta hasi su
hùiswèrk. Naturalmente ta
wak tambe kiko ta pasa den
otro merkadonan, ta wak
kiko otro bankonan ta ofresé
i wak si nan ta aplikabel
riba nos merkado.
Kambio:
Den e próksimo
simannan MCB lo bai
ofresé mashinnan di ATM
(Bankomátiko) nobo.
Lo bai kambia e mas di
140 mashinnan ku tin. E
kambio ei tambe lo bini ku
hopi posibilidat nobo ku ta
atraktivo pa tur generashon.
Un dje kambionan
ku ta direkshon di MCB
ta ansioso pa mira ta e
transformashon di e filial na
Saliña. E filial aki ta den e
fase di renobashon i lo ta ful
operashonal den un bachi
nobo na luna di òktober. E lo
ta un eksperensia diferente
i kargá ku hopi teknologia
moderno. E lo bira e filial
digital di Maduro & Curiel’s
Bank, e lo bira e prototipo di
e banko.
E intenshon ta pa e
kliente tin un eksperensia
totalmente diferente.
Pa a yega asina leu a
hasi hopi estudio, a buska
ideanan rònt mundu, a hasi
hopi hùiswèrk. I awor e ora
a yega pa introdusí algu dje
teknologia nobo aki tambe.
Ya a kuminsá ku e parti di
rekonstrukshon, i e chèri
riba e bolo lo ta e manera
kon e interior ta strukturá i
e teknologia.

Muebleria Myriam Trading
Bo adrès pa fura muebles.
Tambe nos tin un surtido
di tela pa fura stoel
i tela pa kortina.
Winston Churchillweg 116
Tel.: 888-6690.