Page 21 - AWEMAINTA

AWEMainta Diaranson, 6 September 2017 21

Santa Rosa ta informa: MANERA ta e caso semper cubo ta

Nos tin algun bestia na benta cria bestia ta yega un momento cubo
tin cu wak den cura y mira e cantidad
cu tin. Tin biaha eski ta bira demaciado
y bo mester busca un manera pa sali
for di nan na e miho forma posibel.
Nos ta referi na cualkier cria cubo ta
practicando. E por ta Cabrito, Carne,
Porco y asina por sigui menciona.
Na momento cu nan bira hopi den cura
esaki por causa molester tambe na e
bestianan y cu kisas e cura tambe su
espacio ta bira limita. Esaki por trece
cu ne cu nan ta bira mucho hopi riba
otro y asina nan ta cuminsa sofoca y te
hasto nan por muri den mayoria caso.

Den caso di Santa Rosa hibando un
maneho resposabel tambe pa cu nos
bestianan di cria nos tin algun bestia
na e momentonan aki na benta di cual
mayoria ta den nos “Kinderboerderij”
bon cuida. Nos ta spera tambe cu nan
momento cubo cumpra un bestia serca
nos aki na Santa Rosa bo mester por
tin un lugar adecuado pa por continua
cu e cria. Lugar mester ta limpi, fresco
y percura pa tin awa limpi tur dia pa
e por bebe. Su alimentacion adecuado
p’e come tur dia. Esaki ta algun punto
di hopi importancia pa tene cuenta
cune na momento cubo ta practica cria.

Na e momento aki nos tin na benta,
Porco chikito Potbellies, Gai Crioyo,
Galiña Crioyo, Coneu grandi, Turtuga
grandi, Galiña di Rasa (Sierkip), Gai
di Rasa (Sierkip), Pato Baby, Pato
Chikito, y Pato Grandi. Prijsnan ta
varia pa cada bestia entre AWG.7,- te
cu AWG. 85,- y tambe ta depende di
e grandura.
Nos horario di oficina ta di 7’or pa
12’or di merdia y di 1’or pa 3’or di
atardi.

Nos lo bai tin tambe Carito y Carne
di Rasa pa bende. Nos ta haci un
apelacion si cu bo mester yama na tel:
585-8102 pa haci un reservacion pa un
cita na un fecha stipula pa bin escohe
bo Cabrito of Carne. Tene bon cuenta
cu esaki. Nan lo wordo pisa y bendi
pa kilo. Tur esaki ta wordo haci den
presencia di e persona cu ta cumpra e
bestia.

Bo kier practica cria, esaki por ta un
oportunidad pa haci esaki haciendo nos
un bishita pa scoge un di e bestianan
dibo preferencia.