Page 6 - ARUBA BANK_Neat

AWEMainta Diasabra, 24 Juni 2017 9

Arion Wine Company, Wente Vineyards & Papiamento Restaurant

A presenta Fundacion Guia Mi cu

un donacion generoso

E di 12 Torneo di Golf Anual di Wente Vineyards
- Papiamento Restaurant a conclui exitosamente cu
e presentacion di check na Fundacion Guia Mi cu a
tuma lugar recientemente.

“Nos ta hopi contento cu e resultado,” Govert van der
Hout a bisa, “e torneo a atrae sponsornan generoso
y un total di 124 participante, kendenan a contribui
entusiasticamente na un tremendo causa social.”

Arion Wine Company ta organisa e torneo exci-
tante tur aña, cu participacion activo di Eric Wen-
te di Wente Vineyards, como e anfitrion di e torneo di
golf. Hunto cu Papiamento restaurant, e partnernan
ta presenta un evento di varios actividad durante e
periodo di un fin di siman.

Eric Wente y su esposa a yega riba e isla algun dia
prome cu e torneo y a hospeda na Hilton Aruba Ca-
ribbean Resort & Casino.

E siguiente dia, Wente a bin hunto cu un grupo selec-
tivo di restaurateur riba e isla, y a guia un seminario
di combinacion di cuminda y biña p’e studiantenan di
Universidad di Aruba. Tambe el a bishita Ruth’s Chris
Steakhouse y a participa den un briefing prome cu e
staff di empleado a sinta pa come, na cual momento
el a papia tocante su biñanan y a introduci e Wente
Vineyard “Charles Wetmore” Cabernet Sauvignon,
un biña di asina yama “100% Single Vineyard,” di
e Charles Wetmore Vineyard na Livermore Valley.

E evento principal, esta e Torneo di Golf, a habri cu
un recepcion di cocktail p’e participantenan, cu de-
licioso pasapalonan y un sin fin di biña, cual a tuma
lugar den e hardin recien expandi di Papiamento
Restaurant.

Eric Wente a ricibi e invitadonan na un manera cal-
uroso, specialmente e representante di Fundacion
Guia Mi, e recipientenan di e fondonan colecta,
kende a pone un luz riba e mision y e trabou di e
organisacion caritativo.