Page 23 - MIN ON

AWEMainta Diahuebs, 5 October 2017 23

Minister Michelle Hooyboer-Winklaar ta felicita

Pabien na tur docente awe riba nan dia

celebrando Dia Mundial di Maestro

AWE dia 5 di october mundo henter ta celebra Dia Mundial di
Maestro. Minister di Enseñansa, Michelle Hooyboer-Winklaar
ta felicita cada un maestro, docente y actor di sosten cu ta
traha den Enseñansa.
“Mi kier no solamente felicita nan, pero mi kier gradici nan
pa nan contribucion, dedicacion y esfuerso diario pa duna e
mihor enseñansa pa nos studiantenan.
E no t’e trabou di mas facil y tampoco kisas semper ta scucha
“danki”, pero awe rond mundo, e trabou di e maestro ta wordo
reconoci y elogia”, asina e mandatario saliente a declara.

Dia di Maestro ta un dia reconoci pa Nacionnan Uni desde
1994 pa honra e profesion di tur esnan cu ta traha den Ense-
ñansa. E aña aki e tema ta “Libertad di Educacion, empode-
rando maestronan.”
E trabou di maestro realmente ta un “yamada” y un bon mae-
stro no solamente ta yuda studiante siña, pero ta inspira, ta
yuda descubri tesoro personal y ta saca lo maximo di cada un
di su studiantenan.
Pabien na un y tur y danki pa a scoge e profesion di educador!