Page 37 - MIN JUS 16 JAN 2016

DIASABRA 16 JANUARI 2016
Grupo di Colombiano tabata haci entrega di droga te den
ORANJESTAD (AAN):
Fiscal a baha pisa riba e
grupo di Colombiano cu
tabata dedica su mes na
bendemento di droga na gran
escala ariba isla. Nan tabata
hasta entrega e droga te den
postbus di esnan cu ta cumpra.
Departamento di Narcotica
a haci un tremendo trabao
cu a conduci na detencion di
un grupo di ocho sospechoso
caminda a confisca mas cu
19 kilo di cocaina, mas cu 1
kilo di marihuana y mas cu
30 mil Dollar, 48 mil Florin.
E exigencia di Fiscal tabata
varia entre 2 aña y mey y 6
aña y mey, mientras cu un di
e sospechosonan el a exigi
castigo combina y a pidi pa e
bay liber.
POSPONE ALGUN
CASO:
E sospechosonan cu a
presenta ayera den Corte ta
e Colombianonan J.E.G.,
C.P.M., K.Z.A., R.J., E.G.R.
y e muher M.H. C.M. ta di
Nigeria biba na Surinam,
mientras cu R.N. ta di Aruba.
E promer sospechoso cu a
presenta ta e Colombiano
biba na Aruba, J.E.G., kende
ta worde representa pa mr.
Illes. E caso no por worde
trata contra J.E.G. pasobra
e Hues cu ta atende e caso
tabata e Hues Comisario.
Segun ley, e Hues cu a fungi
como Hues Comisario, no
por atende e caso pa asina
mustra imparcialidad. E caso
aki a keda pospone pa dia 5
Februari 2016.
E muher Colombiano M.H.
y e homber Colombiano
R.J. tambe nan caso a keda
pospone. Hues a bisa cu a
manda informa abogadonan
cu lo no trata e casonan aki
pasobra e tin mucho mas
sospechosonan y door cu nan
ta envolvi den un otro parti di e
caso lo bay pospone esakinan.
Fiscal a propone 1 April 2016
pa 8.30 di mainta.
Polis a desmantela e operacion
postbus di cliente
BENDEMENTO DI
DROGA:
Hues a mustra cu tabatin
un cantidad di tap tocante
traficacion di droga. Tin
algun a haci uso di derecho
di silencio y a bisa cu no ta
corda. For di e procesverbaal
ta mustra cu Polis a haya
diferente testigo. Tin un
persona a declara cu e tin 2 aña tabatin un deal grandi prepara.
ta cumpra for di un tal Elvis
y cu e ta haya e droga den su
postbus. Den confrontacion di
foto el a reconoce Elvis como
K.Z.A. Tambe el a reconoce
C.P.M. di ta bende.
Ta asina cu e miembronan di
Departamento di Narcotica
dia 17 April 2015 tabatin
observacion y a mira K.Z.A.
den un auto banda di un
resort. El a drenta den un auto
y bay. Despues el a bay banda
di un cas, saca algo for di
saco di carson, pone esaki den
postbus y despues bay. Polis
a bay check y haya dos paki
di cocaine. En total 4 gram di
cocaine. Hues a puntra K.Z.A.
si ta berdad y K.Z.A., despues
di a consulta cu su abogado
mr. Zara, a bisa Hues cu ta
berdad. Hues a remarca cu
na Polis e no kier a bisa nada
pero awor si e kier papia.
Hues a puntra si ta berdad
cu regularmente e ta entrega
droga y el a admiti cu ta
durante mas o menos 1 aña
e tabata haci esaki. Hues a
puntra cuanto cliente e tabatin.
Segun K.Z.A. e tabatin 4 pero
Hues a remarca cu for di e
combersacionnan na cellular
por constata cu e tabatin mas.
Tabatin observacionnan
caminda a sigui movecionnan
di K.Z.A., E.G.R. y E.P.M. A
tene razia na un apartamento
na Sero Blanco y a haya 28,9
gram di cocaine y diferente
caha cu resto di cocaine.
Segun E.G.R. e droga tabata
di dje. Hues a menciona
diferente tapnan di telefoon
cu tabata tuma lugar. E.P.M.
DIARIO
tambe a admiti di tabata bende
cocaine cu algun persona pero
a bisa pa 8 luna y no manera
K.Z.A. Tambe e tabata bende
marihuana.
DROGA Y PLACA WARDA
DEN APARTMENT
Ta asina cu for di investigacion droga pa asina gana placa pa
a sali na cla cu nan tabatin dos e por bay haci operacion di
apartamento den un resort cu
C.P.M. y K.Z.A. tabata huur
caminda un apartamento
tabata worde usa pa warda
droga y placa mientras cu den
e otro apartamento C.P.M. nan
tabata hospeda cu su pareha.
ACCION DI POLIS
Hues a mustra cu for di e
suchamento di yamadanan a
constata cu riba 25 Mei 2015,
R.N. a yama C.P.M. pa 7 kilo.
Despues C.P.M. a yama R.N.
y bise cu solamente tin 4 y a
bay na cas di R.N. C.P.M. a
bisa den Corte cu e 4 kiermen
4 bloki di cocaine. Polis a
observa tur e movecionnan
di J.E.G. hunto cu C.P.M. cu
a bay cu un saco blauw den
auto. Nan a bay na cas di R.N.
y C.P.M. a baha for di e auto
cu e saco di plastic. Despues
R.N. ta yama C.M. cu e ta cla
p’e cu e 4. E ora ey C.M. a
bay na cas di R.N. cu dos otro
persona mas. Tur a bay den
cas di R.N.
Despues cu C.P.M. y C.M. a
bay for di e cas, Polis a dicidi aki. A constata cu un grupo cu
di actua. Ariba caminda a
detene C.M. cu algo mas di
4 kilo. C.P.M. a worde deteni
tambe caminda den e saco a
haya 21180 Dollar. C.M. a
declara na Polis cu el a cumpra
e droga for di un persona di
habla Spaño. Den Corte Hues
a puntr’e kende e persona ta y
el a mustra riba C.P.M.
C.P.M. a bisa Hues cu e no
conoce C.M. El a bisa cu el
a hiba e 4 kilo pa R.N. y cu
R.N. a pag’e. E placa ey el a
worde haya cun’e. Ta asina cu
C.M. a bisa cu el a paga 22 mil
Dollar pa e 4 kilo. Ta asina cu
a haya C.P.M. 21180 Dollar
den e saco blauw. Segun C.M.
el a paga 5500 Dollar pa kilo
y cu e deal a bay via R.N.
R.N., tambe a worde deteni y
e tabatin 920 Dollar cun’e.
Segun C.M. el a cumpra e
curason. El a bisa Hues cu e
placa 22 mil Dollar no tabata
di dje pero di un amigo. Hues
a puntr’e kico e kier a bay
haci cu tur e droga aki. El a
bisa cu e kier a usa esaki cu
algun amiga. Hues a remarca
cu aki ta trata di 4 kilo y
ningun hende no ta bay usa
asina hopi. Hues a bise cu si e tabata papia cu C.P.M. pa
no kier papia mihor bisa esey.
E ora ey el a keda keto.
Siguiendo cu e investigacion,
Polis a bay haci razia den e
apartamentonan caminda den
un a haya algo mas di 19 kilo
di cocaine, algo mas cu 1 kilo
di marihuana, dos balansa y
un cantida di placanan. Fiscal
a puntra C.P.M. for di kende
e tabata cumpra su droganan.
Segun C.P.M. e tabata cumpra
e droga for di un Venezolano
J.
EXIGENCIA DI FISCAL
Fiscal a bisa Hues cu e caso
a cuminsa 22 Januari 2015
caminda haciendo un otro
investigacion riba traficacion
di droga a bin dal den e caso
tabata ocupa cu bendemento di
droga. Na opinion di Fiscal, e
intension tabata dedica 3 luna
na e caso. E tempo ey tabata
investiga C.P.M. y K.Z.A. y
R.R.J. A scucha dia 25 Mei
2015 cu C.P.M. tabata riba
e deal di 4 kilo di cocaine.
C.P.M. y K.Z.A. tabata dedida
nan mes cu bendemento
local. Nan tabata entrega
droga te na cas. Nan tabata
huur dos apartamento. Ora
K.Z.A. tabata na Colombia,
C,P.M. tabata tuma over. Den
apartamento di K.Z.A. tabata
warda e droganan y placa
PAGINA 17
mientras cu C.P.M. tabata
keda den otro apartamento cu
su acompañante.
Fiscal a mustra cu tin un
sospechoso J. cu tabata
cumpra cantidad grandi pero
el a huy na momento cu Polis
a bay den accion. R.N. tabata
e medidador di bendemento.
A haya C.P.M. cu 21180 mil
Dollar y R.N. tabatin 920
Dollar cu tabata su comision.
C.M. a worde haya cu e 4
kilo.
Tabatin tapmento di telefoon
riba 25 Mei caminda
scucha combersacionnan di
cumpramento di droga. R.N.
cumpra di calidad. R.N. tabata
interesa den 7 kilo. El a bisa
pa bin promer cu 1 kilo pa e
clientenan check y despues lo
busca mas. C.P.M. a bisa cu ta
solamente 4 tin y R.N. a bisa
pa bin cu tur. R.N. a notifica
C.M. kende a presenta cu otro
dos persona y a cumpra e 4
kilo. J.E.G. tabata hunto cu
C.P.M. den auto.
Fiscal a mustra cu durante
razia a haya algo mas di 19
kilo di cocaine y algo mas di
1 kilo di marihuana confisca.
Tambe a confisca algo mas 48
mil Florin y algo mas di 8 mil
Dollar. Den e otro apartamento
a haya 4 gram di cocaina, algo
mas di 4 mil Florin y algo mas
di 5 mil Dollar.
Fiscal a condena totalmente
loke e grupo aki tabata
haciendo. El a exigi 6 aña y
6 luna di prison pa C.P.M., 6
aña y 6 luna pa K.Z.A. El a
exigi 4 aña di prison pa R.N, 2
aña y 6 luna di prison pa C.M.
y 18 luna di prison di cual 6
luna ta condicional pa E.G.R.
Fiscal tambe a pidi pa laga
E.G.R. bay liber di biaha.
Den oranan di merdia
abogadonan a sigui cu defense
y Hues a bisa cu e intension
ta pa aki tres siman lo tin
sentencia.