Page 3 - KPA 17 March 2015

Pagina 4 Diamars Maart 17 2015

Drive By Shooting den Korvetstraat
Tres auto a haya impactonan di bala

Dialuna mey anochi e trankilidad
pa bay drumi y pa habri un
siman nobo ta wordo kibra
den Korvetstraat. Un dama cu
tabata bayendo pa subi su auto
a haye confronta cu un auto,
aparentemente un Tercel cu
lo tabata luz paga. Diripente a
cende esaki nan. E auto lo a bin
den verboden y a los varios tiro,
caminda un Tercel blanco un
pickup y un auto Suzuki a haya
impactonan di bala. Bisiñanan
a lanta mesora y algun tabata
papia di 6 pa 8 tiro, segun nan
a ser tira. Polisnan a puntra
esnan cu nan auto a ser alcanza
si nan lo por tin algun problema
cu otro hende y nan a contesta
cu no.

Mientras polisnan tabata na
Korvetstraat, otro patruyanan
tabata controla Tercelnan y
principalmente esnan den area
di casnan di pueblo na Sero
Patrishi, caminda testigonan a
conta Polis cu un Tercel color
shinishi color poco scur a
drenta e bocht pa bay casnan
di pueblo cu velocidad hopi
halto. Patruyanan a busca y
hasta a para un Tercel, pero no
a logra haya nada. Recherche
y departamento tecnico a
haci nan investigacion na
Korvetstraat. Habitantenan a
conta nos cu esaki no ta prome
biaha cu nan ta tira eybanda, ta
unicamente cu nan no ta yama
Polis tur ora.