Page 19 - KPA 1 AUG 2015

Diasabra 1 Augustus 2015 Pagina 15

Cantidad di auto horta den madruga:

A encontra un KIA Cerato horta pega riba un
Cerito na Seroe Blanco

Diabierna mainta tempran
a drenta informe cu na
Seroe Blanco den un pida
mondi tin un auto nobo
hinca. Mesora a dirigi
un patruya pa e sitio. Na
yegada di e patruya a bin
haya e Kia Cerato A14008
pega riba un cerito ya cu
e chauffeur ladron a purba
pasa riba dje pero no a
logra.

E yabi tabata den e auto
y paden di dje tabata full
reboltea. Polis a confisca e
auto pa mas investigacion.
Algun informacion cu
nos a ricibi ta indica cu
ladronnan a bay cu e
Nissan Tiida shinishi
A35375 for di Paradera.

E vehiculo aki tin un
sticker di rijles cu e
simbolo “L” y tambe tin
un sticker di Peru. Tambe
for di Calabas nan a bay
cu e Opel Corsa shinishi
cu sticker di “GoFast” y
tambe un sticker di “NL”.
Si mira un di e autonan
aki avisa polis mesora.
Tin algun auto mas cu a
ser horta pero nos no tin e
informacionnan completo.