Page 44 - Djarason 2 Mei 2018.pdf

44 Djarason 2 Mei 2018
Na opinion di dr. Marilyn Moses

Mester pone hende responsabel

pa e debakel den HNO

WILLEMSTAD.- ku no mester lubidá ku HNO ku Cft a menshoná i
Parlamentario dr. Marilyn ta un di e tres riesgonan Sigui lesa pagina 46
Moses tambe ta di opinion
ku den henter e asuntu dje
proyekto di Hospital Nobo
Otrobanda mester tene kada
ken responsabel pa nan
parti den e totalidat. Esei pa
motibu ku no por kue plaka
di pueblo ku ta destiná pa
kuido, krea un struktura
pa bo tin mas gastu i pa
despues bisa ku pueblo ta
paga. E kosnan no por sigui
asina segun Moses, kosnan
no por bai dje fásil ei. Nos
nashon Kòrsou mester di
un hospital ku ta duna
nos e kalidat di kuido ku
e pueblo aki meresé, pero
pagabel tambe, pa e preis
hustu. E pueblo mester
haña loke el a paga pe. No
por t’asina ku tin gastunan,
anto finalmente bo ta haña
un produkto inferior, esei no
por!
Seguidamente e
parlamentario a lansa un
kantidat di pregunta. El a
puntra si e kuido médiko
ku ta ser duná na nos
hendenan den eksterior
te na e momentunan aki
lo ser redusí i kuantu.
Ki diferensia lo bai tin
komparativamente na loke
nos ta kumpra na kuido
den eksterior aktualmente
i loke tin na gastunan di
kuido lokal. Tambe el a pidi
klaridat riba aksesibilidat.
Esei pa motibu ku el a tuma
nota di un remarke ku ta
bisa ku no ta tur hende lo tin
akseso na e hospital nobo.
Gruponan manera e.o. di
refugiadonan lo tin di ser
tratá otro kaminda. Segun
Moses, e no a komprondé
e ponensia ei pasobra si
presentá un hende ku tin
plaka pa kubri su gastunan,
ta a base di kiko lo por
nenga un persona asina? E
tin garantia ku hospital lo ta
bai ta aksesibel pa pueblo di
Kòrsou.
Mas aleu sra. Moses
di Movementu Progresivo
a remarká bisando ku, e
pueblo aki no ke un edifisio
pa e haña kuido aden, sino
ku e ke un hospital. E lo ke
mira e kuido mañan ku Dios
ke. Tin papiá pa bini ku un
pòst pa dòkternan di kas,
pues e lo ke sa ta pa ki dia
lo inkorporá e pòst aki den
e totalidat dje proyekto di
HNO. Tambe el a puntra si a
tene kuenta ku higiena.
Seguidamente e
parlamentario a trese dilanti