Page 3 - YMCA JAN 24,2015
P. 3
Evelyn Wever-Croes: Fraccion MEP a reuni cu FADA
Friday, 23 January 2015 19:07
Comparti
Ultimo simannan fraccion di MEP ta bishitando diferente instancia/ fundacionnan den nos comunidad,
pa asina pone su mes na altura di desaroyonan den nos comunidad.
Den temporada di Carnaval e enfasis di MEP ta mas riba nos hobennan, y na e fundacionnan cu ta traha
na bienestar di nos hobennan. Mester enfatisa cu e rol di cada un di e fundacionan aki ta hopi esencial pa
nos comunidad pasobra cada uno tin un meta diferente. E siman aki miembronan di fraccion di MEP a
reuni cu director di FADA Sr. Sprock y tambe miembronan di directiva relaciona cu nan campaña di
prevencion di uso di droga y plannan di e fundacion pa futuro.
F.A.D.A. (Fundacion Anti Droga Aruba) desde su existencia na aña 1984 ta enfoka riba prevencion di uso
y abuso di tanto alcohol y droga. Ademas di esaki FADA a splica MEP cu nan ta pone hopi enfasis pa e
comunidad (tanto hobennan y adulto) haya e instrumentonan necesario pa por tuma decisionnan cu ta
bon pa nan mes. FADA actualmente tin 2 sucursal uno na Dakota y e otro ta na YMCA San Nicolas.
Durante nos reunion FADA a expresa cu e ta poco preocupa cu hobennan cu ta usando marihuana ta
aumentando. Esaki ta algo cu sigur tin nos atencion pasobra e uso di cualkier tipo di droga por tin
riesgonan riba termino largo pa bo salud.
Loke tambe nos a delibera riba dje ta e status financiero di e fundacion. FADA a splica nos cu nan ta
ricibi dos tipo di subsidio: salaris subsidie y exploitatiekostensubsidie. Loke nos fraccion ta lamenta si ta
e hecho cu a corta riba gastonan di explotacion cu 8% den aña 2014. Pero e realidad ta cu no ta FADA ta
e unico fundacion cu a experiencia esaki sino mayoria di e fundacionan a haya nan mes enfrenta cu e
suma di subsidio a wordo reduci.
Un tema cu a keda palabra cu lo wordo atendi ta e tema pa agilisa e proceso pa pone personanan adicto
bou curatela. E parlamentarionan a compromete nan mes pa traha riba esaki. “Mi ta gradici FADA pa e
trabou cu nan ta hasiendo y mi ta hasi apelacion na comercio pa colabora cu e fundacion aki, pasobra
prevencion di droga ta hopi necesario”, lider di MEP Evelyn Wever-Croes a duna di conoce.
Comentarionan (1)
Mustra/Kita comentarionan
Randolf
Friday, 23 January 2015 19:07
Comparti
Ultimo simannan fraccion di MEP ta bishitando diferente instancia/ fundacionnan den nos comunidad,
pa asina pone su mes na altura di desaroyonan den nos comunidad.
Den temporada di Carnaval e enfasis di MEP ta mas riba nos hobennan, y na e fundacionnan cu ta traha
na bienestar di nos hobennan. Mester enfatisa cu e rol di cada un di e fundacionan aki ta hopi esencial pa
nos comunidad pasobra cada uno tin un meta diferente. E siman aki miembronan di fraccion di MEP a
reuni cu director di FADA Sr. Sprock y tambe miembronan di directiva relaciona cu nan campaña di
prevencion di uso di droga y plannan di e fundacion pa futuro.
F.A.D.A. (Fundacion Anti Droga Aruba) desde su existencia na aña 1984 ta enfoka riba prevencion di uso
y abuso di tanto alcohol y droga. Ademas di esaki FADA a splica MEP cu nan ta pone hopi enfasis pa e
comunidad (tanto hobennan y adulto) haya e instrumentonan necesario pa por tuma decisionnan cu ta
bon pa nan mes. FADA actualmente tin 2 sucursal uno na Dakota y e otro ta na YMCA San Nicolas.
Durante nos reunion FADA a expresa cu e ta poco preocupa cu hobennan cu ta usando marihuana ta
aumentando. Esaki ta algo cu sigur tin nos atencion pasobra e uso di cualkier tipo di droga por tin
riesgonan riba termino largo pa bo salud.
Loke tambe nos a delibera riba dje ta e status financiero di e fundacion. FADA a splica nos cu nan ta
ricibi dos tipo di subsidio: salaris subsidie y exploitatiekostensubsidie. Loke nos fraccion ta lamenta si ta
e hecho cu a corta riba gastonan di explotacion cu 8% den aña 2014. Pero e realidad ta cu no ta FADA ta
e unico fundacion cu a experiencia esaki sino mayoria di e fundacionan a haya nan mes enfrenta cu e
suma di subsidio a wordo reduci.
Un tema cu a keda palabra cu lo wordo atendi ta e tema pa agilisa e proceso pa pone personanan adicto
bou curatela. E parlamentarionan a compromete nan mes pa traha riba esaki. “Mi ta gradici FADA pa e
trabou cu nan ta hasiendo y mi ta hasi apelacion na comercio pa colabora cu e fundacion aki, pasobra
prevencion di droga ta hopi necesario”, lider di MEP Evelyn Wever-Croes a duna di conoce.
Comentarionan (1)
Mustra/Kita comentarionan
Randolf
