Page 30 - Aruba Bank April 14

Tur cos ta cla pa RBC cu hipoteca den luna di
April cu un interes di 6.75%

• Apr 13th, 2015
• Local, Splash

Bo kier logra un cas of un tereno? E momento a yega pasobra den luna di April RBC Bank Aruba lo tene
su dia di hipoteca dia 25 di April pa cual aki Joanaila Geerman-Lacle a splica kico tur lo pasa e dia aki.
Esaki ta en conexion cu e campaña di hipoteca cu a wordo lanza algun dia atras. E campaña aki tin un
porcentahe di 6.75% pa 7% APR. Esaki ta conta pa residente y no residente y e prestamo ta pa cas, pa
tereno y tambe pa home acquety. Ademas di esaki tur cliente cu ricibi aprobacion ta haya tambe un
descuento riba nan seguro di candela. Nan ta haya tambe nan taxatie rapport gecovered te cu 250 florin.
Geerman-Lacle a bisa cu tin chens di gana un gift certificate pa 2500 florin y pa haci e oferta aki mas
atractivo e cliente lo ricibi descuentonan special di e diferente tiendanan cu tambe ta participa cu RBC.
Cu e campaña di dia di informacion di hipoteca, ta duna e clientenan un pakete completo. Esaki no ta
encera solamente un bon oferta, pero ta duna e cliente e informacion necesario y valioso y tipsnan cu
nan ta bay tin mester cu ta practico pa por yega na un cas.
Esaki lo bay tuma lugar na RBC mes dia 25 di April. E ta bay ta na Sasaki Branch y ta cuminsa di 10’or di
mainta te cu 2’or di atardi. Lo bay duna e dia aki un seminario. Esaki lo cuminsa di 11’or di mainta na
Sasaki Branch.
Tambe ta bay tin diferente real estate cu boothnan den e lobby, cu hopi experiencia cu por duna cualkier
cliente informacion tocante di cumpramento di un cas cla y tambe diferente contratista, cu lo bay tey
presente pa duna clientenan tipsnan valioso pa e dia aki.
Sin lubida, naturalmente e Senior Account Managernan lo bay tey presente pa yuda un y tur pa e dia aki.
Pa registra ta facil. Ta yama na 5880101, cu ta e Service Line pa mas informacion y naturalmente pa por
haci e cita pa e dia aki.
Un y tur ta keda cordialmente invita, no solamente clientenan existente, sino tambe cualkier persona cu
kier bira cliente, bin e dia aki, haya e informacion y tipnan valioso pa asina nan por join e team di RBC.

http://masnoticia.com/tur-cos-ta-cla-pa-rbc-cu-hipoteca-den-luna-di-april-cu-un-interes-di-6-75/