Page 21 - MIN ON JAN 13,2015

Bo a yega di puntra bo mes kico ta pasa tras di e portanan sera di famianan akin a Aruba, den region y rond di
mundo? Den mayoria caso bo lo encontra famianan ta biba den paz y harmonia, pero den algun caso, tin storianan di
horror di violencia den famia. Muchanan depriva di nan derechonan di un existencia mientras ta biba den e trauma
di abuso di mucha den diferente forma, personanan die dad cu ta wordo abusa, mientras parehanan ta biba trapando
otro. E formanan di violencia aki ta tuma lugar den e hogar, e ta secreto, tur hende sa di dje, aunke ta algun tin e
corage pa kibra e silencio. E studiantenan di Universidad di Aruba ta profesionalmente entrena pa traha cu violencia
den famia riba tur nivel di prevencion y intervencion.
Den cuadro di esaki, e studiantenan y e facultad di e Departamento di “Social Work and Development” den e
Facultad di Arte y Sciencia na Universidad di Aruba, trahando den colaboracion cu Fundacion pa Hende Muher den
Dificultad, CEDEHM, Departamento di Asunto Social, Wit Gele Kruis, Family First, Fundacion di Hende Homber
pa Hende Homber y Fundacion Respetami a organisa un Seminario contra Violencia den famia y un campaña di arte
riba 26 di November 2014. Esaki tabata pa observa riba e siguiente dianan internacional:
– Dia Mundial pa Prevencion di of Abuso y Violencia contra mucha, 19 di November 2014;
– Dia International di Hende Homber, 19 di November 2014;
– Dia Internacional di Derecho di mucha, 20st November 2014 y
– Dia International contra Violencia di Hende Muher, 25 di November 2014.
–
E obhetivo di e campaña tabata ta uni forsa cu e comunidad internacional pa trece concientisacion contra abuso di
mucha, abuso contra hende die dad y violencia domestic na Aruba. E evento a conta cu participacion di
aproximadamente 60 persona, tur bisti na e color biña, representando diferente servicionan riba tereno social tabata
un exito.
Palabranan manera paz, yen di poder, fantastico, union, libertad, diferente, corage y speransa a wordo usa pa evalua
e actividad.
E studiantenan, Jessy Larmonie, Yanelis Jimenez y Rina Hernandez a presenta lectura academicamente stimuli riba
e tres tipo di abuso. Esaki sigui pa e participantenantumando ventaha di e ambiente sigur den e parke pa studiante pa
asina tuma accion personal contra violencia den famia. Consequentemente, participantenan a scirbi y pinta
mensahenan di speransa riba T-shirt usa y riba telanan biña, mientras otronan tabatin e corahe pa ilustra nan propio
experiencianan cu violencia den famia. Nos ta gradicido cu e participacion di International School of Aruba y Ibero
American High School, kendenan a participa na e projecto di “Cabuta di paña”. Unda a colga tur e T-shirtnan.
Tambe nos ta gradici e organisacionnan cu a facilita e tayernan tocante e tres tipo di violencia den famia. Y a
comparti nan experiencia y conocemento.