Page 35 - AWEMAINTA22JULY2017
P. 35
AWEMainta Diasabra, 22 Juli 2017 35
Grupo Scout St. Paulus Michael a tene nan Campamento Vacacional
TUR e unidadnan di Grupo Scout St. Paulus Michael a
tene nan Campamento Vacacional. E unidad di Bevers a
bishita Butterfly Farm, unda nan a haya un splicacion am-
plio di e bida y formacion di e barbulet for di cuminsamento
te na final. Nan a haya un dushi treat saludabel na Subway.
E Bevers a haya nan rabo di nan crecemento personal y na
Cinema nan a disfruta di e pelicula di Cars 3.
E unidad di Welp a participa na un Speurtocht Nacional y
Paseo Monumental, mientras e unidad di Troep y
Afdeling a tene un campamento, hike riba Liniar Park, a
bay riba Tarzan Boat, lunch na Taco Bell, bowl na Dream
Bowling, hunga den Game Room y landa na Community
Pool San Nicolas.
Un danki ta bay n’e mayornan, lidernan di Grupo Scout St.
Paulus Michael y Scouting Aruba cu a haci esaki posibel.
Tur unidad di Grupo Scout St. Paulus Michael lo habri bek
cu nan encuentronan semanal despues di vakantie grandi.
Pa mas informacion por contact nos na 593-5797 of sigui
nos riba Facebook: Grupo Scout St. Paulus Michael.
