Page 41 - MIN ON FEB 26,2016

AWEMainta Diabierna, 26 Februari 2016 17

Experiencia den renobacion di scolnan ta mustra

Renobacion,
sin envolve e
scol mes, no ta
duna resultado
optimal

MINISTER di Enseñansa Michelle Hooyboer-

Winklaar durante di un bishita na e edificio di Arco
Iris Kleuterschool cu ta actualmente bou renobacion
completo a expresa cu e ta hopi contento y entusiasma cu
e relacion entre e team di e scol, su ministerio y
e compania di contruccion pa cu e trabaonan andando.

E experiencia di pasado, unda cu Gobierno y DOW
ta renoba scolnan sin e “input” activo di e team di
e scol, pero cumpliendo cu deseonan di Gobierno y
DOW, a prueba di no ta e miho decision, Minister
Hooyboer-Winklaar a comenta.

Trahando hunto cu e directie y maestronan di
e diferente scolnan, incluyendo e team uni di Arco
Iris for di un cuminsamento den e planning di
e bestek ta proba di ta un formula exitoso.

Antes tabata keda semper haci falta elementonan cu
ta importante pa e funcionamento diario di
e scol pa saca lo maximo for di infrastuctura pa brinda
ainda miho enseñansa.

Actualmente ta tene na cuenta tur e deseonan di e
team y ta yega na - teniendo semper na cuenta e parti
financiero - bon afspraaknan y ta purba mas tanto posibel
pa incorpora e deseonan di e team di e scol.

Esunnan cu ta haci uzo di e edificionan sa miho kico e
edificio mester cumpli cu ne pa ofrece e enseñansa y
tur e elementonan relaciona na e nivel y contenido di
e enseñansa desea, segun Minister Hooyboer-Winklaar.
No por cumpli cu tur cos, pero ta haci nos best pa
cumpli cu mas tanto di e rekisitonan cu ta posibel, el
a agrega.

Actualmente tin, ademas di Arco Iris Kleuterschool,
trabaonan andando na Colegio San Antonio cu ta keda
clana maart (6.6 miyon florin); y Colegio San Augustin
(3.2 miyon florin) cu ta keda cla na mita di april.
E trabaonan di construccion na Colegio San Nicolas
(siguiente fase 1.5 miyon florin) y Prinses Amalia
(5.8 miyon florin) ta cuminsa na maart 2016.