Page 70 - KPA 17 OCT,2015

Un hoben gravemente herida den accidente
frontal
Saturday, 17 October 2015 01:16

Comparti

Diasabra marduga algo pasa di 12:30 di marduga un accidente semi-frontal a sosode riba caminda di
Morgenster pa Primavera. Chauffeur di Toyota Corolla A-50784 riba velocidad halto a dal den Chevrolet
Captiva A-22439 net riba e subida di e caminda.
E impacto tabata asina fuerte cu e homber den e Corolla a keda pega den chasis di su vehiculo cu sla nan
fuerte na curpa. Ambulance a yega na e sitio mesora pa duna asistencia medico na e hoben pega den auto.
Den e SUV color preto e señora chauffeur a sali illeso pero bon spanta pa e sucedido. Materialenwagen di
Cuerpo di Bombero a yega un rato despues cuminsa trabounan pa saca e chauffeur di e Corolla pega den
auto. Dashboard cu heronan di e chasis a primi e chauffeur cu no por a saca e herido sin mas. A tuma un
bon rato pa Bomberonan logra los e homber di e restonan di e auto pa asina Ambulance transporte pa
Hospital. Ambos auto a keda completamente destrui.