Page 21 - bnd nov 10

rond mundo A21
Diamars 10 November 2015

Legisladonan Catalan a aproba plan pa secesion di Spaña

BARCELONA, Spaña
(AP) – Parlamento region-
al di Catalonia a lansa un
plan pa tuma rumbo pa
independencia di Spaña
pa 2017, dialuna, retando
advertencianan di gobi-
erno central na Madrid, cu
nan ta violando e pais su
constitucion.

Prome minister Spaño, Mari-
ano Rajoy a priminti di para e
esfuerso.
E proposicion a wordo haci
pa parlamentarionan pro se-
cesion di e aliansa “Hunto pa
Si” y extremistanan iskierdis-
ta CUP. E gruponan hunto a
obtene un mayoria parlamen-
tario den eleccion regional na
september ultimo, cu nan a
presenta como un plebiscito
riba independencia, despues
cu gobierno central na Ma-
drid a nenga di permiti un
referendum oficial.
Gobierno di Spaña a reaccio-
na lihe dialuna. Den un dis-
curso televisa nacionalmente,
Rajoy a bisa cu su gobierno
lo apela e decision den Cor-
te Constitucional, cual den
pasado a blokia intentonan di
independencia. “Catalonia no
ta bay niun caminda. Nada ta
bay kibra nos”, Rajoy a bisa.
El a añadi cu e lo reuni cu
e lider di oposicion Partido
Socialista, Pedro Sanchez, pa
forma contra e separatistanan.
E resolucion a wordo pasa
pa parlamento Catalan den
su prome sesion despues di
eleccion, e comiendo di un
proceso pa cuminsa crea un
estado Catalan independien-
te, den forma di un republica
y un proceso di desconexion
democratico.
E filial di Partido Popular na
Catalonia y di Socialista y Ci-
udadanonan a entrega apela-
cion pa para e votamento,
pero Corte Constitucional a
dicidi diahuebs, cu nan por
sigui cu ne.
“Bo kier dividi un pais por
medio di hisa un frontera den
Union Europeo”, lider re-
gional di Ciudadanonan, Ines
Arrimadas a bisa parlamen-
tarionan separatista.
Ta premira cu Corte Consti-
tucional lo dicidi lihe si e ley
ta ilegal, pero e resolucion
specificamente ta duna gobi-
erno regional ordo pa no bay
contra decision di corte di
mas halto Spaño. E ta duna e
gobierno 30 dia pa cuminsa
traha riba un constitucion
Catalan nobo, cual despues
lo por vota p’e den un ref-
erendum den zomer 2017, y
cuminsa establece un oficina
di impuesto y administracion
di siguridad social nobo.q