Page 19 - KPA OCT 23, 2015

AWEMainta Diabierna, 23 Oktober 2015 25

Dianan 23, 24 y 25 di october

Cuerpo Policial ta invita comunidad
pa bishita nan booth na Expo Cas

CUERPO Policial lo ta presente un biaha mas n’e evento anual Expo

Cas cu un booth y diferente demostracion di e trabao di nan diferente
unidadnan.
E aña aki Cuerpo Policial ta introduci su team di Recherche, cu lo duna
un splicacion di nan trabao; e team di Trafico, pa duna informacion
tocante siguridad y reglanan di trafico; y e team di Maritieme Politie,
cu lo tin un di nan Seadoo como atraccion y lo duna demostracion
tambe di nan trabao.
Tambe e team di Comunicacion y Prevencion, esta Liliana, Lito y John
tambe lo ta presente pa contesta cualkier pregunta.
Na Expo Cas 2014, e booth di Polis tabata un di esunnan mas popular
y ta sigur cu e aña aki nan lo atrea hopi atencion atrobe.
Bo cas ta un di bo posesionnan mas valioso y precioso, y Cuerpo Policial
ta invita tur hende pa bishita na booth pa conseho tocante siguridad
rond y den cas.
E expertonan den prevencion di ladronicia y con pa provee e mihor
proteccion pa pertenencianan en general tambe lo ta presente.
Cuerpo Policial ademas lo duna informacion tocante di Ley di Cacho
y ta pidi tur persona cu por tin pregunta pa pasa un rato n’e booth.
Sirbi bo Pais. Bira Polis.