Page 72 - MIN JUS 15 SEPT 2015

Minister Dowers a inspecciona celnan na wardanan di Polis

Publication: Tuesday, 15 September 2015. Categoria: Policial

Detenidonan ta destrui matrasnan

ORANJESTAD (AAN): Minister di Husticia a cuminsa cu un recorido na e diferente wardanan
di polis pa mira cu su propio wowo e condicion fisico, no solamente di e edificio pero tambe e
parti di celnan. Esaki ta debi na un denuncia publico cu a worde haci door di Abogado di un
detenido.

Minister Arthur Dowers, acompaña pa su conseheronan, a splica cu un Abogado representando
algun detenido kier a entabla un caso pidiendo pa laga su clientenan den libertad debi na e mal
condicion di e celnan.

E mandatario dos siman pasa a cuminsa cu su bishitanan y a bay na Warda di Polis Noord, Playa
y Sta Cruz. Durante e bishita e mandatario a constata cu enberdad tin algun aspecto cu mester
mehora, pero e ta kere cu ta trata di cosnan menor. Otro aspecto ta cu hopi di e matrasnan ta
worde destrui, pero pa esaki a busca un solucion inmediatamente y den fin di siman anterior tur a
worde reemplasa caba. “Nos a constata cu regularmente cu personanan cu ta worde deteni y ora
cu duna nan facilidad, ta comete destruccion riba material y facilidadnan di Gobierno.”

Debi na e situacion ariba describi, e mandatario y su conseheronan ta studiando cual ta
posibilidadnan pa cobra un deposito, na e detenidonan cu ta custumbra di kibra cos, pa nan por
haya un matras y mira tambe con por cobra e gasto di e dañonan cu nan ta causa.
“Esaki principalmente tin cierto personanan ta haci di esaki un costumber y nan no tin. Hopi ta
adicto riba caya ….”

Siman cu a pasa e mandatario cu a sigui cu su bishitanan y e prome luga unda cu el a bay ta e
Warda na Balashi, unda cu tin trabaonan di remodelacion tumando luga riba e garashi di Polis cu
a worde destrui algun tempo atras. A constata cu e trabao ta avansando y ta spera cu pronto e por
worde entrega,