Page 26 - ATA

Diahuebs atardi e Caribbean Sea Jazz Festival a tene su conferencia di prensa pa e

apertura di e festival cual lo tuma lugar riba Diabierna 15 di September y Diasabra 16 di

September na Renaissance su Festival Plaza.

Durante e conferencia di prensa tabata presente artistanan internacional manera Shirma

Rouse y José Luis Cortes Gonzales di NG La Banda, Eduardo Proveyer di e banda

Habana Vieja All Stars y tambe Eduardo Proveyer di e banda Habana Vieja All Stars y

Cory Henry. Manera tur aña artistanan y bandanan local tambe ta forma parti di e elenco

artistico di e festival. E line-up pa e aña aki ta lo siguiente: Riba Diabierna 15 di

September : Rubén Blades, NG La Banda, Habana Vieja All Stars, Robert Jeand’or.

Chris Kross, ASH y Oruba. Riba Diasabra 16 di September : Maceo Parker, Shirma

Rouse, Cory Henry & the Funk Apostles, Zuco 103, Esha & Live Xpressions,

Siegfried Hart, Caribbean Latin Jazz Xpress y Jamiah Rogers Band.

Tambe Caribbean Sea Jazz Festival kier a gradici tur e sponsornan cu pa varios aña caba

ta apoya CSJF, nan ta Aruba Tourism Authority, Aruba Airport Authority, Renaissance

Aruba Resort & Casino, Divi Resorts, Chill y UNOCA. Sin e apoyo di e

patrocinantenan menciona e festival no por logra e exito cu a logra pa Aruba durante tur e

aña nan aki. E aña aki ta e di 11 edicion di e Caribbean Sea Jazz Festival. No perde e
oportunidad pa mira y scucha e gran presentacion di tur e diferente banda y artistanan cu

lo presenta riba Diabierna 15 di September, y riba Diasabra 16 di September na

Renaissance Festival Plaza den Caribbean Sea Jazz Festival. Pasa busca bo ticket na prijs

di benta adelanta na Superfood, Casibari Music Café, Plaza Bookshop, Citgo O’stad,

Citgo Essoville, Citgo Noord, Red Sails Sports, The Market at Alhambra, De Palm Tours

Desks y Caribbeanseajazz.com.