Page 3 - AWEMAINTA-1605

Dialuna 16 di Mai 2022

Maldad y intencionalmente

a cende boto na candela

iadomingo den oranan di marduga habitantenan a
Dscucha sonido di explosión y mas despues a tuma
nota di candela riba lama na Zeewijk. A resulta cu dos
boto tabata na candela.
Tabatin movecion na e sitio y mester tin hende cu a
mira loke a pasa rond di 2.30 di marduga na e pier di
Zeewijk.

Personanan cu ta biba den área di e pier na Zeewijk
ta sigura di a mira dos homber flaco ta core bay na
pia. Pero tambe ta señala cu tabatin sigur tres auto
cu tabata den e área e momento di e sucedió y a bay
despues di e explosión, cogiendo diferente dirección.
No ta conocí si nan tabata na altura di kico ta bay pasa
of a spanta di loke nan a mira y e bay for di e sitio.
Tur cos ta mustra cu e dos hendenan a yega cu jerry-
can y prome a kima e boto …. cu tabata mara na banda
robez di e pier. Pero nan a kite y move un tiki. Esey a
pega candela prome y despues e boto Jacintha Beat-
riz di 30 pia mas o menos cu tabata mara na e banda
drechi di e pier. E tabatin solamente un motor pega
riba dje pero e otro si tabatin dos motor, y práctica-
mente nobo. E prome a kima por completo mientras
cu Jacintha Beatriz e curpa (pafo) a keda parcialmente
bon. Pero paden el a kima por completo. Suerte ta cu
e doño Robert Laveist no tabatin tur dos motor poni
riba dje. Di e forma aki a scapa un, pero por bisa cu el
a perde mas cu 20 mil y e otro ta hopi mas.

Jacintha Beatriz ta loke Laveist den su entrada. Con-
tinuamente, el a bisa, cu e ta haya problema cu Kust-
wacht, cu ta manera persiguie. Recientemente el a
haya dos funcionario di Kustwacht riba su boto, sin
permiso. Mesora el a bay Polis denuncia esaki. E tin
miedo cu por traha un trampa p’e.

Tur cos ta mustra, pa e forma con e hechonan a tuma
luga, no ta trata di un accidente pero un acto di mal-
dad, y no baldadi. E hendenan a yega eynan cu e meta
pa kima e dos botonan specifico di e 14 navenan cu tin
mara na e pier.
A haci denuncia na Polis y tur autoridad concerni a
wordo poni na altura. Mientrastanto a saca e botonan
pa motibo cu e motornan tin un kimico den dje cu por
daña e bida marino na e sitio.

Cualkier persona cu por tin informacion di kendenan por
a comete e acto aki, of por a mira algo, a scucha algo, por
tuma contacto cu polis.
3