Page 7 - SOLO 22MAY15

Diabierna Mei 22 2015 Pagina 7

A cuminza cobra
Venezolano $ 10 cash
na porta di avion

Nos redaccion a haya basta yamada unda ta reclama
cu ayera na yegada na Aruba, algun cobrado a blokea
e porta di avion y cada Venezolano mester a paga $
10 cash pa nan baha. Esaki nunca antes tabata asina,
pasobra ya caba nan a pague den e ticket di avion. Kico
a bay robez? Cu awor ta cobra $ 10 dollar na entrada y
$ 35 dollar na salida?

Famia di Otmar a ricibi
menaza di morto

Segun fuentenan anonimo, cu algun tempo pasa
e famia di Otmar lo a ricibi un menaza di morto
cu nan a tuma na serio. Segun e fuente a divulga
na SOLO, cu riba un atardi, un hende homber
straño a yega su cas y a puntra e yiu si Otmar tey.
Parce cu Otmar no tabata na cas y e tipo
desconoci a laga un respondi: Bo tata a pompa!

E bishita straño aki y e mensahe no comun ta
loke a lanta preocupacion cerca Otmar y su famia.
Nos corant den ningun forma ta balota e incidente
aki. Nos ta lague pa loke e ta y nos sa cu politiconan
of ministernan no tur ora tin un bida facil. Masha cerca
di nos, den Reino, a pasa algo masha robez cu nos
ta lamenta y condena. Pues nos tin comprension pa
cualkier menaza of accion straño. E version aki no ta
oficial ni confirma pa e minister.