Page 12 - LOTTO
P. 12
Pa varios luna e Organisacion Caballista Arubano, OCA ta preparando pa e competencia
di cabay mas grandi riba nos isla. Nos competidornan di Aruba ta cla pa e competi contra
e mihonan den nos region. Paisnan participante na e Interpaso 2017 lo ta Colombia,
Republica Dominicana y Corsow cu despues di algun aña ausente lo ta bek na Aruba cu 7
cabay den e Interpaso modalidad di Paso Fino cu 15 jinete y amazona. No por lubida nos
propio competidornan di Aruba cu sigur lo ta super bon prepara pa e Interpaso aki. Nos
amazona y jinetenan semper a duna bon presentacion y logra premionan grandi. No tin
duda cu e biaha aki lo mester tene cuenta cu e delegacion di Aruba. Mester bisa cu e
competencia di nos mucha y hobennan lo bay ta diadomingo y diasabra.
E interes ta hopi grandi mes mirando e cantidad grandi di participante. Tin indicacion cu
for di nos isla ruman, Corsow so ta bin cu 19 mucha mientras Aruba lo tin a cantidad di
mas hopi cu ta 25. E deporte di cabay semper a destaca internacionalmente cu algun bon
jinete y amazona. Den pasado nos a logra titulonan mundial y a sa na laga nomber di nos
dushi isla di Aruba resona den exterior. Un danki sigur na Lotto, e Loteria di Aruba pa
medio di Comision di Subsidio cu tambe a yuda subsidia e competencia di internacional
di Interpaso 2017 organisa pa Organisacion Caballista Arubano. Cumprando weganan di
Lotto, e Loteria di Aruba bo ta contribui na deporte riba nos isla. Meta di e fundacion ta
pa organisa loteria, cambia bida di su hungadonan y na mes momento inverti den deporte
local pa medio di donacionnan na e Comision di Subsidio.
