Page 35 - Project EWC 2014-2015

Evelyn Wever-Croes: MEP no tin confiansa mas
den maneho di Minister di enseñansa

Thursday, 02 April 2015 08:28

Comparti

Durante e reunion publico di diaranson ultimo e deficiencia den e maneho di Minister di Enseñansa a
wordo confirma. E ta un hecho cu ultimo tempo tin varios problema serio den Ministerio di Enseñansa
entre otro cu SKOA, conflicto cu SMOA y recientemente problema di suspensión di un docente na Scol
Primario Kudawecha.
Despues cu parlamento na varios ocasion a insisti pa yega na un solucion pa e problema di schoolgeld y pa
un solucion mas rapido na scol primario di Kudawecha, Minister di Enseñansa a demostra un incapacidad
y un falta di boluntad.
Pa colmo a resulta cu Minister di Enseñansa a malinforma parlamento, no a sigui proceduranan y
reglanan rutinario relaciona cu castigonan disciplinario y no a sigui principionan di bon gobernacion.
Fraccion di MEP ta lamenta cu e minister a bai over pa condena un docente sin cu a hasi un investigacion
debido.
Basa riba e hechonan ariba menciona, incapacidad y falta di boluntad demostra door di Minister encarga
cu Enseñansa y asuntonan di Famia, sra. Hooijboer-Winklaar fraccion MEP a entrega un mocion
retirando confiansa den su maneho. Nos ta lamenta cu fraccion AVP a bira lomba y ignora e problemanan
di enseñansa siendo cu nan sa cu cosnan ta birando peor y no tin cambio!

Comentarionan (6)
Mustra/Kita comentarionan

jj. quari
April 02, 2015
83.85.73.30
Votes: +1

na engles tin un palabra cu ta cuminsa cu e prome letter di Fiets y caba cu prome letter di
Kabrito.Entre e dos letter nan aki tin dos letter mas. Un di nan ta e letter C
Awor buta patras di e palabra aki e palabra -OFF. esaki ta mi mansahe pa ewc.
Randolf