Page 5 - KPA 2 NOV 2015

Pagina 10 Dialuna 2 November 2015

Super Fiesta di Halloween na Caribbean Palm Beach Resort

E Caribbean Palm Village
Resort a tene un fiesta di
cocktail di Halloween anima
e siman aki, unda cu e resort
a celebra Halloween door
di invita su huespednan
pa disfraza nan mes y
participa den e diverticion
y weganan, organiza pa e
departamento di activities
cu Mislady Fingal sirbiendo
como e emcee energetico.
E huespednan a disfruta di
e oportunidad pa disfraza
como Golden Fries, un
bleki di Coke, Maleta Perdi,
y Homber di Cueba, entre
otro costuumnan creativo,
cu Mislady introduciendo
un buffet di pasapalonan
espantoso cu “pidanan di
curpa”, cualnan a wordo
saborea totalmente pa e
bishitantenan di e resort,
como parti di e celebracion
di e dia di fiesta tan
gusta. Riba e portretnan
por waak tur hende
pasando bon durante e
fiesta di cocktail semanal
di gerencia, na Caribbean
Palm Village Resort.

Conocido Chico Gang ta molestia su
grandinan

Asistencia di Polis a wordo pidi diasabra pa 11:31, na un cas na Primavera, na unda e conocido
Chico Gang ta di remate. Na e sitio, Chico no tabata mas na e sitio. Polis a papia cu e mucha muher
A. kende a bisa cu su wela y su omo a bin keda na su cas, mrando cu den e dianan aki Chico Gang
ta di remate. Un dia prome caba Chico a bin na e cas y A. a core cune for di e sitio. Diasabra 11.40,
e wela y e omo tabata den sala ta mira television. A tabata den su kamber. Chico a bin na e sitio y
a cuminsa bati riba bentana. A. a sali pafor y a mira Chico na e porta patras y a cuminsa pusha e
porta cu un bate di baseball den su man. El’a cuminsa bati cune riba e bentana y a cuminda kibra
e glas. A. ta spanta y a coy un cuchiu y a cuminsa mustra Chico. E omo a core drenta den baño pa
sconde. E wela no por a haci nada y tabata den shock. Despues Chico a core bay y a bisanan cu
e ta bay cende e cas na candela cu nan aden y lo mata nan.Personal di K9 a bay busca Chico y a
topa cune den Pindastraat, unda el’a keda sera. Polis a bisa e famia pa bay duna keho.