Page 80 - KPA 2 NOV 2015

Hilton Hotel ta emplea ilegalnan pa verf e hotel

Publication: Monday, 2 November 2015. Categoria: General

Tur cos ta mustra

ORANJESTAD(AAN): Cu tin un cantidad di Venezolano turista cu tambe ta keda tras illegal no
ta un secreto. Asina cu nan sa cu tin hende ta empleanan, nan ta keda traha te ora cu nan logra un
suma di placa of te ora cu nan wordo gara.

Na Hilton mes ta empleando hendenan illegal. Prueba di esaki ta basa riba un caso cu a sosode
den weekend. Aunke gerencia por bin usa excusa cu nan no sa, tog ta nan responsabilidad di
controla of pidi prueba na cualkier contratista cu nan pone haci trabou na nan hotel. E excusa cu
ta via contratista no ta conta mas. Un compania serio mester traha serio.

Cada stranhero cu wordo emplea, e compania mester zorg pa exigi e permiso di trabou cerca
esnan cu el a pidi haci trabou pe. Esaki ta e prueba cu e dos trahadornan ta illegal. Diasabra
tabata tin un pelea formal entre dos persona.
Ta dos homber cu tabata bringa pa supuesto debe habri cu otro banda di cruzada di McDonald’s
na Palm Beach. Polis a yega y topa nan ainda den nan discusion cu agresion. Polis a atende cu
ambos. Ningun di dos por a prueba cu nan tin permiso legal di estadia.

A resulta cu e dosnan aki ta pareha di otro. Nan a yega Aruba dia 5 di Juli 2015 y nunca mas a
bandona Aruba. Nan tabata trahando den Hilton Hotel como verfdo. Ta via contratista nan ta
trahando.

Probablemente tin mas ilegal trahando den mesun forma na dicho hotel. Esaki ta e forma di
cheaplabor cu tin unda e hendenan aki ta keda atras y traha. Awor ambos ta bai wordo deporta
for di Aruba. E pelea entre e pareha aki a cuminsa ya caba for di e hotel te cu nan a wordo saca
for di e lugar y a sigui bringa te banda di cruzada di Palm Beach.

Un di nan a reclama e otro te hasta di ta e culpable pasobra su mama ta yega tambe 15 di
November Aruba y awor e no lo tey. Den e caso aki e lo yega Venezuela prome cu 15 di
November y lo mira su mama prome cu e sali pa Aruba. E sigur no por drenta mas legalmente