Page 38 - Bon Dia Aruba
P. 38
B10
relahaDiahuebs 31 Maart 2016
“Erwtensoep” cu toke
Arubiano
Ingredientenan pa 7 liter di erwtensoep:
• 120 gram di bacon corta chikito
• 100 gram boter (Real Butter, no margarina)
• 2 siboyo mediano corta chikito
• 5 taki selder corta chikito
• 3 wortel mediano corta
• 5 batata corta na bloki chikito (2cm x 2cm)
• 2 paki di bonchi, split pea
• 4 worst corta na plachi
• 4 pa 5 bouillon di berdura
• Salo y peper na smaak
Preparacion:
Habri e pakinan di bonchi berde y laba e bonchi den
un baki cu awa. Cambia e awa 2 pa 3 biaha. Den un
wea di sopi grandi, pone e manteca smelt. Pone e bacon
corta chikito hasa den e manteca Agrega e selder, siboyo
y wortel. Pone salo y peper na gusto. Ora e siboyo
cuminsa bira transparente agrega e bonchi y mescla
esaki bon.
Agrega awa pa tapa cu e ingredientenan. Tira
e bouillonnan di berdura y laga e sopi cushina
pa 2 ora. Cada 15 minuut tira bista pa wak e
awa no baha mucho. Agrega awa si mester.
Ora e bonchi cuminsa bira moli agrega e worst
y batata corta na bloki. Laga nan cushina pa 15
minuut. Check e batata si esaki ta moli. Purba
bo sopi y si mester agrega salo y peper na gusto.
Bon probecho.
