Page 41 - Djaweps 22 mart 2018.pdf

Djaweps 22 Mart 2018 41

Kontinuashon di pagina 10

Totolika ke alkansá

na kas, pero ta yega dianan
ku e tin di sali kas kuné, sea
pa bai un dòkter di kas etc.
Pero mester sigui konsientisá
hende. Tin personanan ku
down syndrome ku a desaroyá
i kana e trayekto normal
di enseñansa te ku nan a
kaba universidat. E grupo
di personanan aki por yega
hopi leu, pero ta importante
si pa kuminsá traha riba nan
desaroyo for di chikí, pasobra
kon ku bai bin nan tin sierto
limitashonnan. Por ehèmpel,
nan tin di bai un fisioterapista
dor ku nan múskulonan ta un
tiki mas slap ku otro mucha.
Pues tin di stimulá nan pa nan
múskulonan bira mas fuerte.
Hopi di nan tin di bishita un
logopedista pa fortifiká sierto
múskulonan di nan boka, pa
nan tene nan boka será i pa
por papia mas mihó.

Fundashon Totolika
ta trata di tin e registro di
muchanan ku down syndrome
ku mas presishon posibel. N’e
momentunan aki no tin un
kalkulashon eksakto, pero ta
kere ku tin den kareda di 200
persona ku down syndrome.

Segun sra. Fraai, e
tin di rekonosé ku ántes
tabatin muchu mas tantu
mucha registrá na Totolika,
mayornan tambe tabata
muchu mas tantu envolví.
Awendia mayornan tin un
bida hopi okupá. Pero pa e aña
aki Totolika a stipulá komo su
meta pa bai poné mas énfasis
riba mayornan hóben ku tin
yu ku down syndrome. Ke
hasi un apelashon riba nan
pa registrá. Kòmbersando den
grupo por yuda otro solushoná
sierto problemanan.
Mayornan ku tin nan yunan
registrá na Totolika ta sostené
otro hopi bon.