Page 37 - HOSPITAAL

Liberato Hoek, hefe di Servicio di Ambulance ta informa. Temporada aki lo ta hopi druk
y vooral riba e accidentenan di transito. Sr. Hoek ta trece recomendacionnan manera:
bisti bo seatbelt, pone muchanan den nan seatbelt, si bo ta bay bebe zorg pa tin un
hende pa bebe pabo.

Den e weekend festivo aki hopi hende lo core auto bou influencia di alcohol siendo cu
nan no ta consciente cu nan ta reacciona mas slow cu normal y esaki lo por ta e causa
mas comun den accidente.

Otro casonan di emergencia cu por a presenta ta cu hende ta bira malo den e
campamento pa algo cu a come of cu no ta come di e forma adecuado, of si lo ta un
persona cu malesa cronico y no ta bebe su remedi na tempo. Tambe esun cu no ta

bebe suficiente awa of likido y esunnan cu no ta proteha di solo cu sunblock, anto e ora
nan tambe lo por ta den risico.

Departamento di Ambulance lo haci uzo di prensa y rednan social pa trece nan

recomendacionnan dilanti. E publico por tin acceso na tur e informacionnan aki, via
radio of Cruz Cora.

Den caso di e trafico cera banda di Super food e aña aki esaki ta representa un

challenge pa e operadornan di ambulance, siendo cu normalmente trafico na eagle
beach ta pega y awor aki lo bin pio cu e otro accesonan cera.

Sr. Liberato Hoek ta pidi tambe na tur e automobilistanan pa purba di duna espacio ora

cu ta tende sirena, wak den spiel for di unda e ambulance ta bin. Purba mas cu por pa
duna espacio na ambulancenan ariba caminda.

Por ultimo, Sr. Liberato Hoek, di Servicio di Ambulance a enfatiza cu nan lo no tin post

banda di e campamentonan, ya cu esaki no ta nan costumber. Si nan lo tey na nan tres
postnan manera a menciona caba, caminda nan lo tin tres unidad disponibel 24/7