Page 14 - AHATA

Dr. Toro a splica cu 89% den 2016 di e producto interno bruto, a wordo produci
pa turismo na Aruba. Y e turismo ta localisa den e prome 200 meter for di
costa. Bida y economia di Aruba ta depende di lama y su recursonan costero. Ta

evidente cu tin cu enfoca y haci tur lo necesario pa sa con pa maneha y uza
debidamente e recurso aki.

E obhetivo ta pa por presenta como un entidad di Unesco, colabora y yuda

Aruba y su entidadnan cu e miho ciencia pa por tuma un bon decision di e punto
di bista di e politicanan di desaroyo, ta necesario pa tin un informacion cientifico

pa por steun riba dje, pa sa con ta bay progresa. E obhetivo y e tarea ta
precisamente esey.

Dr. Toro a splica cu e mensahe ta basta directo. Si Aruba, como nacion y como
sociedad kier progresa y trascende na un siglo nobo, ta necesario pa nan uza

debidamente e recursonan cu lama ta duna. 89% di tur e recursonan cu ta
obtene na Aruba, ta bin for di lama. Nos ta papiando aki di sobrebibi. E

mensahe ta pa tene na cuenta cu tur e accionnan positivo y negativo por bay tin
un efecto den boso bida di tur dia y di boso futuro generacion.