Page 6 - combine diario

DIARANZON 28 JANUARI 2015
Varios avion Mericano a overnightPAGINA6 DIARIO

na Aeropuerto

ORANJESTAD (AAN): Publico en general por a tuma nota di
varios avion Mericano para na aeropuerto Diamars mainta. E bi-
sta no comun aki a worde ocashona pa e tormenta pisa den e parti
noreste di Merca.

E tormenta di winter a azota e parti noreste di Merca dialuna
afectando miyones di persona y forsando e cancelacion di hopi
buelo. Biaheronan a encontra nan mes den un situacion di caos
ora cu aerolineanan a reacciona na e tormenta cu e cancelacion
di mas cu 7500 buelo te cu Diaranson. Di eseinan, por lo me-
nos 3200 ja a worde anuncia for di Diadomingo. Esaki tabatin
su influencia pa aeropuerto di Aruba, pasobra debi na demanda
popular, varios aerolinea a scohe aeropuerto di Aruba como nan
lugar pa pasa anochi.
Desde fin di siman, aeropuerto ta trahando di cerca cu e aero-
lineanan, ATA y AHATA pa yuda e pasaheronan cu nan buelo
a worde cancela pa asina extende nan estadia y organiza bue-
lonan alternativo. Naturalmente, e situacion ta depende riba e
disponibilidad di asiento y tambe riba e pronostico di tempo na
Merca pa wak si e buelonan por bay door of no. Actualmente,
buelonan pa e parti noreste di Merca ta worde spera pa continua
desde Diaranson atardi, y mayoria di aerolinea ta avisa cu nan ta
spera cu tur cos lo normalisa pa Diasabra.
Aeropuerto di Aruba ta conseha tur pasahero biahando pa of
biniendo for di e parti noreste di Merca pa tuma contacto cu nan
aerolinea pa wak si tin algun cancelacion di buelo y/of si tin
orario nobo di yegada of salida di nan buelo.
Banda di e pasaheronan cu mester a keda Aruba, e tormenta a
crea un bista unico pa nos na Aeropuerto di Aruba.