Page 10 - AVB
P. 10
Recientemente algun baluarte di SV Estrella a ricibi un reconocemento for di Fundacion Lotto pa
Deporte y un di e baluartenan cu no por tabata presente ta Indro “Kamel” Jansen. El a hunga futbol
den e decada di 60 pa 70 hunto cu Ocando “Candy Wernet, Fenchi Dubero, Andresito Bikker, Ale
Vrolijk y Roman Kock.
President di Fundacion Lotto pa Deporte, mr. Di-Stefano Wernet RA, a pasa cas di Kamel Jansen pa
asina entrega e bunita plakkaat cu nan ta reconoce su persona di tabata un di e pilarnan di SV
Estrella. Kamel Jansen a keda sorprendi di a ricibi e reconocemento aki y a indica di na e spera algo
asina aki for di FLpD.
“Mi ta contento p’e reconocemento aki. Danki Lotto y Di-Stefano”, el a indica. Tambe FLpD a
regala su persona un power bank di e fundacion. Di-Stefano Wernet a gradici su persona pa su
añanan cu el a hunga futbol y cu e ta un ehempel p’e futuro deportistanan. Kamel Jansen tabata
contento di por a mira un biaha mas yiu di Candy Wernet, esta Di-Stefano Wernet, unda cu el a bay
bek atras na su recuerdonan di tempo cu e tabata hunga futbol.
Un conseho cu el a duna e hobennan pa haci deporte, pasobra no solamente e ta algo saludabel pero
tambe cu deporte bo por bira un miho hende den comunidad.
