Page 35 - Awe Mainta
P. 35
AWEMainta Diabierna, 06 November 2015 35
Un dokter di cas nobo MILTON de Cuba a studia Geneeskunde na Hu-
Minister dr. Alex Schwengle a landa y despues di 6 aña n’e pais aki, el a scoge pa
yama dr. Milton de Cuba bon-bini probecha di e oportunidad pa haci su specialisacion
pa Dokter di Cas na Aruba mes.
Opleiding pa Dokter di Cas na Aruba ta “BIG geregistreerd”
Diasabra merdia el a celebra hunto cu su famia
y e team di e opleiding, den presencia di Min-
ister di Salud Publico, dr. Alex Schwengle, su
titulo nobo y e cuminsamento di un carera noble
y bunita, na servicio di comunidad di Aruba.
E curso completo pa adkiri e titulo di “huisarts”
tin un duracion di tres aña: Un aña di stage na un
dokter di cas cu ta un docente; un aña di stage na
Dr. Horacio E. Oduber Hospital, Stichting Algemene
Bejaardenzorg Aruba (SABA) y Psychiatrische Af-
deling Algemeen Ziekenhuis (PAAZ); y un aña mas
di stage na consultorio di un Dokter di Cas.
Un biaha pa siman e studiante ta bay les n’e centro di
opleiding na Instituto Medico San Nicolas (IMSan).
Studiantenan cu completa e curso aki
cu exito ta ricibi nan diploma cu ta recono-
ci na Hulanda y ta inclui nan BIG registratie.
Dr. Milton de Cuba a bisa cu e lo ta trahan-
do como “waarnemer” pa otro Dokter na no-
vember y december y na januari lo cuminsa cu
su mesun consultorio cu un contract di AZV.
E bentaha grandi di un yiu di tera como dokter na
Aruba ta cu e no mester di un tempo pa custumbra
cu e idiomanan cu nos ta papia aki y e conoce e
cultura caba tambe.
E mandatario a bisa cu tin por lo menso 100 basisarts
di Aruba na Hulanda pa specialisa y e ta spera cu
mas lo dicidi pa bolbe Aruba pa traha.
E graduadonan di Hulanda cu ta bin cu nan BIG
ta wordo automaticamente registra na Aruba.
Tin mas yiu di tera studiando na otro paisnan, e.o. na
Latino America y ta trahando riba solucionnan pa cu
nan registracion pa BIG via di un curso cu lo oferce
na Universidad di Aruba. Ademas ta buscando pa
agrega otro opleidingnan n’e Aru-BIG cu lo por wor-
do introduci despues cu Inspectie keda implementa.
Minister Schwengle a menciona acreditacion pa
opleiding di Canada y p’e mihor di Merca. Ademas,
ta papiando tocante acreditacion pa opleiding La-
tino Americano cu ayudo di un instancia special na
Merca cu ta evalua cua institucion ta yega mas serca
di BIG di Hulanda p’asina por agrega esaki tambe
n’e Aru-BIG.
Consulta di e instancia Mericano tabata un conseho
di Hulanda mes.
Minister dr. Alex Schwengle ta felicita tambe e
famia di dr. de Cuba pa nan apoyo y sosten pa cu
e Dokter di Cas nobo durante di su opleiding. E ta
gradici tambe e docentenan y e team completo di e
opleiding cu ta facilita e specialisacion y preparacion
di dokternan di cas specialisa na Aruba mes.
