Page 108 - JULY -salubridad

Partido ReD Democratico: Dr. Nuris Lampe Den

Politica

 Local

 Politica
- 10/07/2017

“Como Arubano y como dokter pa mas di 27 aña mi a dicidi di inicia un trabou mas den
profundidad di salubridad pa mi Aruba.

Pa hopi tempo mi tabatin ideanan pa drenta politica, mi a sinti cu awor mi ta cla pa
enfrenta e reto y inicia e lucha aki. Pakico? T’asina cu tin masha hopi problema na Aruba
causa pa mal gobernacion, no solamente awor, pero pa masha hopi aña caba”, segun dr.
Nuris Lampe.

“For di hopi aña pasa m’a premira cu Aruba ta bay ta den un crisis social masha profundo
mes. Un di e causanan ta educacion. Educacion a deteriora poco poco sin cu e
gobernantenan por a mira e daño permanante cu nan a causa na nos generacion di 20 aña
pasa. Den cualkier departamento di Gobierno cu mi nombra, educacion ta hunga un rol.
Si ta Departamento di Husticia, educacion. Si ta Departamento di Salud Publico,
educacion. Si ta Instituto di Deporte, educacion. Si ta Departamento di Asuntonan Social,
educacion… asina mi por sigui”, dr. Lampe ta splica.