Page 121 - JULY -salubridad

-Pa desaroyo di deporte ta necesario pa inverti den facilidadnan y ekiponan deportivo
moderno mantencion continuo. Mirando cu deporte mester ta accesibel pa tur hende, lo
percura tambe pa facilidadnan y guia pa gruponan special (60-plussers y personanan cu
impedimento fisico y/of mental).

-Percura pa desaroyo di proyectonan di residencia social di diferente categoria y di piso,
incluyendo area di recreaccion y parke di naturalesa pa asina contribui na calidad di
bida di e ciudadano. Mester evita pa concentra residencianan social den mesun area of

bario.

-Reforsa e posicion di centro di barionan como pilar di convivencia dentro di nos
comunidad y conscientisa nos comunidad di e importancia di esaki.

Tin hopi estudionan haci na unda a demostra cu movecion y interaccion cu personanan
den estado di demencia y alzeimer ta di beneficio. Mi persona tambe tabatin e
oportunidad pa envolvi e grandinan den movecion y recreaccion. E resultadonan tabata

hopi positivo yen animo, calidad di bida di nos ciudadanonan di edad tabata halto. E
programa di POR lo bay percura cu nos grandinan den tur bario lo tin e facilidad y
posibilidad cu guia profesional pa asina mantene y promove nan salud cerca di cas. Nos
mester brinda un solucion preventivo pa cu nan salud. IDEFRE a worde cambia pa

IBISA pa inclui salud y pa 8 aña ta traha riba manehonan riba papel pero nada di
ehecucion. Awo falta menos cu 3 luna pa eleccion lo bay bin cu ne?

POR ta comprometi cu nos grandinan pa provee un mihor calidad di bida. Mester

cuminsa di inmediato cu programanan y percura cu e centronan den bario ta renova y
adecua pa asina nan por worde uza optimaalmente. Lo prepara profesionalnan y
voluntarionan cu e conocemento pa asina implementa un programa structura den tur
centro di bario pa nos grandinan cu of sin limitacion. Salud y bienestar di nos grandinan

ta prioridad di e Plataforma nobo, POR.