Page 90 - JULY -salubridad

cubri gastonan di salubridad publico cu ta keda crece exorbitantemente tur aña,
Bakmeyer ta mustra.

Norma, conducta y etica
Si nos introduci bek den nos casnan, nos scolnan, nos organisacionnan y den nos
Gobierno e normanan di conducta y e balornan cu nos semper a haya importante den nos
comunidad, nos lo wak un cambio positivo den e proximo generacionnan, caminda nos
muchanan ta lanta conociendo ordo y respet, pa nan mes, y pa otro hende. Esaki lo
conduci na reduci grandemente e problema di criminalidad, falta di respet pa autoridad y
falta di respet pa otro hende cu ta reina awor aki, Bakmeyer ta sigui bisa.

Si nos inverti na cas, scolnan y duna organisacion cu un mucha ta forma parti di dj’e,
educacion y guia di calidad, nos lo crea un generacion mas sabi, mas profesional y mas
ambisioso.E generacion ey lo “jump start” bek nos economia cu profesionalnan capasita,
cu ideanan nobo y cu e “drive” necesario pa hiba Aruba dilanti den e mundo competitivo
cu nos ta forma parti di dj’e. Si nos siña nos muchanan e eticanan di trabao cu ta esencial
pa forma un profesional capacita (work ethics), nan lo bira e “workforce” di futuro cu ta
wak e importancia di ta mas productivo na trabou, di ta comprometi na un calidad halto
di prestacion na trabou, cu ta traha hunto cu e doño di trabou (y no contra di dj’e) pa hiba
e negoshi dilanti y cu lo forma parti di companianan exitoso. Esaki tambe lo yuda nos
economia bay dilanti cu stapnan grandi.Si nos wak e importancia di laga muchanan
participa den arte y deporta, nos lo crea un generacion nobo di muchanan cu ta creativo
den tur aspecto, cu ta mas saludabel mentalmente y fisicamente y cu ta mas competitivo
den tur area di nan bida.Consecuentemente lo nos por wak atrobe un reduccion den
problemanan cu adicion, mal comportacion, problemanan mental, criminalidad y
problemanan di salud, Bakmeyer ta remarca.Asina ki nos por keda menciona mas
ehempel di con un voto pa traha rib’e derechonan fundamental di un mucha ta un voto pa
un miho futuro pa nos tur. Nos lo no wak e frutanan di nos esfuersonan mes ora, nan no
ta cosnan tangibel (no ta algo cu bo por wak manera un caminda nobo, un edificio nobo).
Nos lo mester tin pasenshi y perseverancia.Pero mas y mas nos lo por mira e cambionan
positivo den nos comunidad, cu tur e beneficionan akiriba menciona. E meta aki mester
t’e prioridad di tur hende, no diGobierno so.Gobierno t’ey pa pone e leynan, structura y
instancianan necesario, pero cada un di nos, si nos ta mayor di un mucha of no, tin e
responsabilidad como parti di comunidad pa duna di nos parti pa cria un futuro
generacion cu lo beneficia nos isla den tur sentido.Postulando mi mes riba lista di partido
Pueblo Orguyoso y Respeta (POR), mi ta cla pa sigui haci di mi parti si bo dunami bo
confiansa p’e proximo gobernacion, Eromil Bakmeyer ta termina.