Page 5 - ATA 18 April'15

Diasabra 18 di April 2015
Minister di Turismo Otmar Oduber tabatin MINISTER Oduber a reuni e siman aki cu miembronan di
Reunion hopi positivo
y informativo cu ATIA
13
O nlin e awemainta.com
ATIA y a indica cu e reunion a bay sumamente positivo cu hopi
informacion y ta contento di por a sinta cu nan, mirando cu
pa basta tempo caba ATIA tin den nan board representante di
AHATA.
A toca diferente topico, mirando e desaroyonan cu tin andando,
pa cual atende e.o. e topico di proyectonan pa San Nicolas, pa
loke ta trata e hotel y e planificacion di esaki. Tambe a papia
riba e aspectonan di turismo, p’asina ATIA por tin un idea
naturalmente den ki direccion Gobierno ta bayendo pa loke ta
trata capacidad di stul y avionnan, e mandatario a bisa.
Minister Oduber a splica cu a papia tambe riba e maneho pa loke
ta trata crucero y su persona tabata sumamente contento di por
a comparti cu miembronan di ATIA cu na 2016, lo bay kibra un
biaha mas nos propio record di 2013 surpasando e cantidad di
700 mil bishitante crucero.
Un otro punto cu a bin dilanti t’e resultadonan cu Ministerio
di Turismo a caba di recibi di e ‘jaarrekeningen’ di Oficina di
Turismo, unda a papia riba e exito di ATA durante su prome 4
añanan.
Un reunion cu sigur tabatin un necesidad pe basta tempo
caba, unda hopi informacion a wordo comparti cu otro y esaki
manera palabra, tambe lo t’e inicio di un caminda unda cu
Gobierno, Minisertio di Turismo y ATIA lo kier tin hopi mas
combersacion cu otro pa pone otro na altura di e desaroyonan, e
mandatario a indica.
Un di e topiconan cu lo bin dilanti den futuro t’e maneho pa
loke ta trata ‘all inclusive’, caminda e mandatario a expresa na
diferente ocasion den pasado caba y pa cual tin Price Waterhouse
aworaki hunto cu ATA cu ta preparando un documento pa evalua
e posibilidad pa por limita of exclui ‘all inclusive’ for di e permiso
pa hotel cu ta wordo duna n’e momentonan aki.
Minister Oduber a keda hopi satisfecho cu e reunion cu ATIA.
Tabata hopi cla cu di ambos banda tabatin hamber pa informacion
y unda a pone e informacion aki disponibel, lo cual ta haci’e hopi
mas facil pa por traha hunto riba e maneho cu ta wordo delinea.
Si no tin combersacionan ta dificil pa desicionnan wordo tuma
sea dor di ATIA of Gobierno. Despues di e sesion aki por a nota
claramente cu tin un entusiasmio p’e proyectonan nobo cu ta
trece posibilidadnan nobo pa pais Aruba y pa miembronan di
ATIA tambe.
Minister Oduber a elogia ATIA p’e iniciativa cu nan a tuma hunto
cu AGA (Aruba Gastronomic Association) pa adopta mas o meos
50 pa 100 hoben di EPB San Nicolas p’asina por yuda y guia nan
den un proceso di casi un aña pa nan por drenta e sector laboral
dia di mañan. A encurashanan pa continua y asina tambe lo por
mira den ki forma Gobierno por contribui.
E mandatario a indica di ta contento pa mira con sector priva ta
cargando nan responsabilidad y cargando e proyecto aki tambe
pa por sigura pa hobennan por ta prepara pa dia di mañan nan
por asumi e responsabilidad den un mercado laboral cu dia pa
dia ta bira mas exigente y profesional.