Page 35 - FDLP
P. 35
Despues cu siman pasa a bautisa un buki di futbol diahuebs atardi un bes mas a pone un
otro
buki cu historia di nos deporte riba mercado.
E biaha aki e deporte di baseball a oficialisa e buki di su historia scirbi pa e gran baluarte
di nos deporte y historiador, Sr. Clyde Harms esaki den colaboracion cu Efraim
"Boei" Brion awe den felis memoria y Don Juan Perez. Presidente di Aruba
Sport Unie, Sr. Gerald Franca hunto cu autor di e buki, Sr. Clyde Harms y director di St.
Fundacion Lotto pa Deporte, Sr. Di Stefano Wernet cu hunto cu ASU yuda a subsidia e
reimprenta di e buki a hiba palabra e atardi aki. Manera a wordo bisa na inicio di e atardi,
nos mester recorda nos heroenan di pasado cu a yuda engrandese nos baseball y e deporte
di Aruba engeneral.
E autor di e buki, Sr. Clyde Harms tabata masha contento cu por a yega na e buki di
historia di baseball Arubano. Ultimamente tabata tin contacto cu hopi hende unda a haya
mucho mas
informacion di nos baseball local.
Sr. Harms a mustra su satisfaccion ora e la elabira riba nos peloteronan hoben cu awe ta
den exterior y otronan cu ta wordo gescout cu scholarship den baseball. Director di St.
Fundacion Lotto pa Deporte, Sr. Wernet ta contento cu Lotto cu ayuda di ASU a
contribui na e buki di historia di nos baseball local. Segun Sr. Wernet e deporte di
baseball ta mescos futbol, un deporte colectivo y nos mester por traha hunto pa yega na
metanan poni. Nos hubentud mester mira nos baluartenan como rolemodel. Por ultimo a
bay over na e acto di bautiso di e buki di historia di baseball cu a wordo efectua pa DA di
Aruba Little League, Sr. Rhudy Donata, y Director di Little League Baseball Caribe y
Latino Americano, Sr.Carlos Pagan den presencia di Sr. Harms, Sr. Wernet y Gerald
