Page 18 - diario

PAGINA 18 DIARIO DIAMARS 10 NOVEMBER 2015

Ladron a bringa

cu turista y

guardia y keda

deteni

ORANJESTAD.(AAN); Un
ladron gara riba beach dia-
domingo mainta trempan a
resisti tanto contra e turista
y guardianan cu a logra
deten’e.
Tabata diadomingo 7:15or
cu central di polis a instrui
su patruya di Noord pa nan
bay mesora direccion di un
high rise hotel, na unda nan
a caba di atrapa un ladron
cu a horta pertenencia di
turista.
E sospechoso lo ta resisti
fuerte contra e turista.
Na yegada polisnan a papia
cu un guardia y e senora
turista di inicial S. cu a de-
clara cu e turista ta falta al-
gun pertenencia.
Segun e turista el a wak un
homber desconoci p’e para
riba beach y el a wordo
acerca pa e homber.
E turista a constata cu e
homber tin su t-shirt, car-
son, faha , cellular, dashi
, zapato y hasta mea di dje
den su poder.
E turista a reacciona mesora
y a ranca e t-shirt for di e
homber, pero e homber a re-
sisti y a bringa cu e turista.
E guardia a core yega cerca
y e homber tambe a tira un
dos riba dje. Mientras tanto
un otro guardia di inicial S.
tambe a yega y el a clap e
homber ladron un sla educa-
tivo pa kibra su resistencia y
el a para keto mesora.
E turista a haya su pertenen-
cia bek y a cana bay sin cu
tin informenan of declara-
cion.
E homber ladron di inicial-
nan F.A.B. ta biba te na Cura
Cabay Zuid . E ta di 42 aña
di edad y tabata papia bruha
y tabata cana cu pasonan
cortico y masha cuidadoso.
Su wowonan tabata hopi
cora y e tabatin hunto cune
un tas preto, un pochi di
mata ademas bela.
Polis a deten’e y a transport’e
pa warda di Shaba a bis’e
su derechonan prome cu a
present’e dilanti fiscal aux-
iliar cu a laga cer’e pa saca
wayaba.