Page 58 - MIN JUS

Deportista di MMA mal droga y hopi agresivo a ranca
balansa di Sra Husticia dilanti corte

Tuesday, 18 July 2017 17:16
1

Comparti

Un deportista di MMA cu ta deporte di bringamento a keda deteni. Polis a considere un arma mortal pa
Cuerpo Policial. Diamars atardi Polisnan a wordo yama pa e homber aki cu tabata riba caya banda di
corte y a kibra e balansa di sra husticia dilanti corte. Polisnan a haya indicacion unda el a bay y a topa e
sospechoso cu e balansa den man ainda.

A bay over na detencion cu no a bay facil. Mester a manda e sospechoso tera. E tabata mal droga y
demasiado agresivo. Despues di logra mande tera a pidi pa dogcatcher. E dogcatcher a bay cune warda
mesora na Noord pa un cel. Prome cu esey e patruya cu a yega a pidi pa refuerzo tambe. E persona aki
tabata asina agresivo cu mas Polis tabata necesario pa asina nan controle y wante pa evita confrontacion
cu por a bira fatal te hasta. Mester a blokia e pianan, su nek na tera y pone boeinan na man cu pia. E
gritonan cu tur tipo di insulto y tambe ofensa tabata parti di e expresionnan di e sospechoso. Polis ta
haya cu e homber aki mester haya atencion. E ta un professional den arte marcial cu MMA y awor cu uso
di droga ta bira un arma mortal pa autoridad. Awor Sra Husticia a keda solamente cu su wowo tapa y sin
su balansa. E homber cu a comete e caso aki tabata bisa y grita tambe cu ta un cierto persona a mande
kibra e balansa. E ta un cara medio nobo pa Polis. Si no atende cune pa su problema, e lo bay comete
desgracia contra cualkier inocente y ademas e lo por bira un victima tambe si e causa cualkier mal move
cu Polis.