Page 66 - MIN JUS

Muher Gloria Lampe deteni pa sospecho di estafa varios
hende cu placa pa permiso

Tuesday, 18 July 2017 16:04
1

Comparti

E muher Gloria Lampe ta den man di husticia. El a keda deteni diamars mainta na su cas den e carea di
Cura Cabai. E ta deteni relaciona cu sospecho di estafa. Na Aruba ta varios hende ta tramita permiso pa
hende. Den e tramitadornan tin cantidad di pompado tambe. Tin varios cu ta paga masha hopi placa pa
hende yudanan cu nan permiso.

Miles di florin ta wordo paga. Den e miles di florin paga tin tambe cu no ta cumpli cu nan clientenan.
Gloria Lampe ta un di e hendenan aki. Como cinco keho a wordo entrega contra Gloria Lampe.
Hendenan cu a paga hasta 5000 cu 8000 Florin pa asina permisonan wordo tramita pero finalmente te
awe nan no a haya nada. Eigenlijk un hende no mester bay cerca un tramitador pa yuda cu permiso.
Awendia un dunador di trabou mes por haci esaki. Asina mes pa kita un trabou for di nan lomba, ta laga
tramitador pa haci esaki. Tin tramitador serio, tin tramitador cu ta priminti shelo y tera sin cumpli
tambe. Despues ta sconde pa hende pasobra nan a gasta e placa cu a paganan pa tramita un permiso.
Hopi hende cu ta tramita permiso no tin un entrada halto. Nan ta lucha pa paga e tramitador y awor ta
haya cara abou den varios caso. Pesey den e caso aki tin cinco denuncia sigur contra Gloria Lampe. Tin
hopi hende mas cu el a estafa y cu ainda no a entrega keho of nunca a pensa di entrega keho. Interesante
pa mira con e caso aki lo desaroya. Despues di su detencion na su oficina na Cura Cabai, a trece warda di
recherché na Playa unda e parti di interogacion a cuminsa mesora.