Page 25 - MIN VOS

18 AWEMainta Diasabra, 25 Juli 2015

Sv Britannia Cas Bon ta gana Dakota den
un wega dramatico cu score di 4-3

DIAHUEPS anochi den stadion Centro

Deportivo Guillermo Trinidad, yena cu
bastante fanaticada di futbol, e pumanan di
Piedra Plat esta Sv Britannia divicion menor
ta gana SV Dakota cu score di 4-3, despues cu
Sv Britannia Cas Bon tabata perdi 3-2 faltando
5 minut pa wega caba ainda.
E wega aki tabata uno cu bueltanan straño
pasobra na dado momento Sv Britannia
Cas Bon tabata gana 2-0 fasilmente y dado
momento Dakota ta bira bolter e score y
hasi e wega 3-2 na fabor di Dakota y tur cos
tabata mustra cu Dakota lo bai cas cu e prome
3 puntonan di playoff final, pero manera
menciona ta bin un buelta straño y Sv Britannia
ta reaciona y bolbe bolter e score y ta bin gana
e wega cu score di 4-3.
E golnan di Sv Britannia a wordo anota
pa; Ericson Croes 1x y Diqion Ras 3x.
Pabien tur e hungadornan, coach, lidernan y
fanaticada di Sv Britannia Cas Bon. Un pabien
tambe na Dakota cu a hunga un tremendo
wega. E proximo wega lo tuma lugar dialuna
awor cual wega ta di suma importancia pa
ambos equipo.