Page 7 - AM210415

Diahuebs, 15 April 2021 AWEMainta 7

Minister Armando Lampe:
RED a y lo sigui pusha pa Aruba sigui trendnan internacional

Armando Rudy Lampe, Minister di Enseñansa,
den e conferencia di prensa di partido RED
Democratico a expresa su preocupacion y di
e partido cu tin diferente tendencia y desaroyo

internacional cu Aruba a keda atras riba nan.
Esaki a pesar cu partdo RED na diferente
ocasion a pidi pa trece e cambionan necesario.
Den e programa di gobernacion a pone diferente
punto comun cu a palabra lo bay traha riba
nan. Pero banda di esaki tabatin puntonan cu
na caminda a pidi Gobierno pa pone atencion
n’esakinan, pasobra ta desaroyonan positivo
internacional.

P’e motibo aki el a enfatisa cu e tres candidatonan
sinta n’e mesa di e conferencia di prensa, “ta

personanan serio cu a drenta politica pa promove
integridad y lucha contra corupcion.”
Aruba sinembargo, el a bisa, n’e momentonan
aki t’e unico pais cu no a cumpli ainda cu Tratado
Anti-Corupcion di Nacionnan Uni.
Te ainda no a ratifica e tratado aki, pasobra no
tin un ley di financiamento di partidonan politico.
Esaki ta un exigencia pa cumpli cu e Tratado.
Esaki ta algo cu RED a bin ta pidi for di 2007 caba.
E ley pa Financiamento di Partidonan Politico ta

un herment pa combati corupcion den Gobierno.

Di otro banda, Minister Rudy Lampe a mustra cu
tin mas area unda a trata di trece cambio, pero no
a logra haya e apoyo di e partido mas grandi den
gobernacion, MEP.
A pidi pa sigui e trend internacional pa ciudadanonan
di Aruba bibando den exterior tambe por vota
durante eleccionnan Parlamentario. Pero esaki
tampoco no ta un realidad ainda.
“Casi tur pais den region tin e posibilidad aki pa
nan ciudadanonan cu ta biba den exterior.” E ta

lamenta cu te ainda no a haci nada pa permiti
Arubianonan biba den exterior por vota.
“Atrobe nos ta bay un eleccion sin cu a haci e
cambio”.

A boga p’e ley di Cannabis, decriminalisacion
di esaki, cual si ta poni den e programa di
gobernacion. Rond mundo, el a bisa, ta sigui e
tendencia aki, pero riba e tereno aki tambe Aruba

a keda atras riba desaroyo cu tin rond mundo.
“RED kier hiba e pais dilanti y pa cual lo ta
disponibel riba e lista di RED Democratico pa
sigui cu e lucha p’e pueblo por bay dilanti”.

Rudy Lampe a enfatisa cu RED ta sigui cu e lucha
unda Integridad y combatimento di corupcion t’e
base di gobernacion, ademas di otro prioridadnan.