Page 6 - solo

Pagina 6 Diarazon April 29 2015

A haci uso di varios unidad y hopi Bombero

BOMBERONAN A COMBATI CANDELA GRANDI DEN CAYA
BETICO CROES

Cuerpo di Bombero a
haya e yamada rond di
9:30am y mesora a activa
unidadnan y a despacha
nan pa e candela den
Caya Betico Croes. Na
un principio a manda 2
unidad na e sitio pero
mesora e Bomberonan
na e sitio a solicita pa
un di 3 unidad, locual a
yega mesora su tras. Na
tur ta papia di un total di
mas o menos 20 Bombero
na e sitio combatiendo e
candela cu pa 11:00am
tabata domina.
E candela tabata mayor
parti na e di dos piso,
pa cual a bira dificil pa
combati. Bomberonan a
keda te rond di 2:30pm
na e sitio pa por a caba
di combati e candela
aki, debi cu e dak a cay
aden, haciendo dificil pa
por a yega na origen di e
candela.
No tabata necesario pa
haci uso di e sistema di awa
den Caya Betico Croes,
pasobra Bomberonan
mes tabata tin suficiente
ekipo y awa pa combati
e candela. Ainda no ta
conoci kico a ocasiona e
candela.

Cuerpo di Bombero ta
gradici ImSan (Servicio
di Ambulance), Cuerpo
Policial, Cruz Corra,
Burger King, WEB y NV
Elmar pa nan cooperacion
den e esfuerzo pa combati
e candela y preveni
expansion.