Page 5 - WEB 8 APRIL 2016

WEB ta hala ultimo dia di pago cu 1 siman dilanti te 15 di april pa clientenan concerni
Publication: Thursday, 7 April 2016. Categoria: General

Printer di Elmar a faya!
ORANJESTAD (AAN): Departamento di Servicio na Cliente di WEB e dianan aki a nota cu un cantidad di cliente di WEB mas
grandi cu normal, ta yama of pasa na oficina di WEB na Balashi.

A resulta cu nan ta haci esaki pa reclama di no a ricibi nan cuenta di awa di Februari 2016. Un investigacion mas aleu a mustra
cu esaki ta debi na un fayo den e proceso pa imprimi e cuentanan cu tur luna ta tuma lugar na ELMAR.

Entretanto WEB a inventarisa ken ta e clientenan concerni y ta informa cu lo hala e ultimo dia di pago pa e clientenan aki cu 1
siman dilanti te 15 di april 2016.

Den un comunicado WEB ta informa di ta lamenta e susedido, principalmente pa motibo cu no ta den su man. ‘Nos ta
compronde e inconveniencia di clientenan y cu no ta e prome biaha cu esaki ta sosode.’ WEB ta den contacto estrecho cu
ELMAR pa determina kico ta e causa y con ta bay preveni esaki den futuro.
Entretanto WEB ta pidi clientenan cu no a ricibi nan cuenta di awa di luna di februari pa tuma contacto via WEB su Call Center
na telefon 525-4200 of via un email pa info@webaruba.com. Tambe por manda un mensahe personal via WEB Aruba su
pagina di Facebook.
Un otro opcion ta pa clientenan aplica pa mira nan saldo di cuenta online via WEB Care; por aplica pa WEB Care
via www.webaruba.com.

http://www.diario.aw/2016/04/web-ta-hala-ultimo-dia-di-pago-cu-1-siman-dilanti-te-15-di-april-pa-

clientenan-concerni/